Hyrtten gleych alls wol alls Den höchsten / kain auß genommen / Darummb erfindt sich mit der geschryfft das wir frey seyen und wöllen sein / Nit dz wir gar frey wöllen seyn / kain oberkait haben wellen / Lernet vnß Gott nit / wir sollen in gebotten leben nit yn freyem fleyschlichen mutwilen. Sonder got lieben jn als vnsern Herren jn vnsern nechsten erkennen / vnnd alles das so wyr auch gern hetten / das vnns Got am nachtmal gepotten hat zu ainer letz / darumn sollen wir nach seinem gepot leben zaigt vnd weißt vns diß gepot nit an das wir der oberkait nit korsam seyen / nit allain der oberkait / sunder wir sollen vns gegen jedermann diemütignn / das wir auch geren gegen vnser erwelten vnd gesetzten oberkayt (so vns von Got gesetzt) in allen zimlichen vnn Christlichen sachen geren gehorsam sein / seyen auch ohn zweyfel jr werdent vnß der aigenschafft als war und recht Christen geren endtlassen oder vns im Evangeli des berichten daz wirß seyen.
Zum vierten ist biß her jm brauch gewesen / dz kayn armer man nit gewalt gehabt hatt / das willpret gefigel oder fisch jn fliessenden wasser nit zu fachen zu gelassen werden / welchs vns gantz unzymlich vnn vnbrüderlich dunckt / sunder aigennützig vnn dem wort Gotz nit gemeß sein / Auch in etlichen ortern die oberkait vns dz gewild zu trutz vnd mechtigem schaden haben / wil vns dz vnser (so Got dem menschen zu nutz wachsen hat lassen) die vnvernünfftigen thyr zu vnnutz verfretzen mutwilligklich (leyden müssen) dar zu stillschweigen das wider Gott vnd dem nechsten ist / Wann als Gott der herr den menschen erschuff / hat er jm gewalt geben vber alle thier / vber den fogel im lufft vnd vber den fisch im wasser. Darumn ist vnser begeren wann ainer wasser hette dz ers mit gnügsamer schrift beweysen
: Dye Grundtlichen Vnd rechten haupt Artickel aller Baurschafft. Melchior Ramminger, Augsburg 1525, Seite 7. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Dye_Grundtlichen_Vnd_rechten_haupt_Artickel_aller_Baurschafft.pdf/7&oldid=- (Version vom 3.3.2025)
