Wichet vmbe lat der gv̊ten (Mit originalen Lettern)

Wichet vmbe lat der gv̊ten·
nigē mich dú tvgende hat·
der vil reinēklich gemv̊ten·
lip begie nie miſſetat·
ſi iſt ein wip gar wandels vꝛi·
da vō iſt ſi mir vil lieber danne iht ſi·

Zv̊ dem reinen ſvͤſſen wibe·
wer dc ſende herze min·
ofte gerne vs minem libe·
bi der gůten wolte es ſin·
es vert gegen ir ſpilnde ſo·
ſam es hin zv̊ der gůten welle ſpꝛingē ho·

So dú gůte mich an lachet·
ſo ſiht man mich mīne var·
ſa min h̾ze ſich vf machet
vn̄ wil zv̊ ir ſpꝛīgen dar·
dvr die bꝛuſt iſt al ſin gir·
von der grôſſen h̾ze liebe gegen ir·

Solde ich der vil mīneklichē·
ein woꝛt kúſſen in ir mvnt·
ſo ſehe mā mich froͤidenrichē·
húte vn̄ iemer zaller ſtūt·
ich wolt es ſo kúſſen dar·
dc ſi vō dem kvſſe wurde minnevar·

Ich wolde vs ir rotem mv̄de·
kúſſen das mir tete wol·
iem̾ in deſ h̾zen grūde·
ir mvnt lit der ſuͤſſe vol·
dú fúr trurē froͤide git·
wiſſet das der in ir mv̄de wund̾ lit·