Svmer iſt nv gar zergan

Svmer iſt nv gar zergan·
geſwigē ſint dú vogellin·
des mv̊s ich vil trurig ſtan·
vn̄^{[WS 1]} in dem h̾zen iamerc ſin·
winter vn̄ ein ander leit·
dú gebēt mir ofte ſenden mv̊t
ſi hant mir leider beide widerſeit·

Svmers ſol man ſin gemeit·
ſo mag ein man der frowen ſin·
wol mit diēſte ſin bereit·
vil ſelig ſi ſin lieht̾ ſchin·
winter ich bin dir gehas·
da bi der ſvm̾ wunne·
holt ſo mac man w̾den frǒwē dienen bas·

Zwú ſol mir des winters zit·
vnde ǒch dar zv̊ ſin lengú naht·
an der al min froͤide lit·
dú hat des leider niht gedaht·
dc ſich ende ſo min ſtrit
als einem dem ſo wol geſchiht
der bi liebe lieblich lit·

Sit man leit nach liebe hat·
ſo ſol ǒch lieb nach leide ergan·
min lib noch in leide ſtat·
des iſt mir endelos min wan·
frowe wēde ſo min leit·
dc mir nach leide lieb geſcheh
min h̾ze bi dē froͤidē iam̾ treit·

Frǒwe liebú frǒwe min·
war vmbe biſt dv mir gehas·
ich was ie der dieneſt din·
dc weis got wol vn̄ niemā bas·
dc ich vō dir minen mv̊t·
noch nie gewante ſit der zit·
dc ich v̾ſtv̊nt beidú v́bel vn̄ gv̊t·

Anmerkungen (Wikisource)

1. Vorlage: vſ.