Svm̾ gegē din̾ zit

Svm̾ gegē din̾ zit·
ſinge ich minē ſang·
mit dien vogellin·
ſchowēt wie dú heide lit·
die d̾ winter twank·
ſi hat liehtē ſchī·
mit dē blv̊mē dvr dc gras ī ir varwe geſvnd̾t·
hvnd̾t·
iſt ir niht me·
gruͤnē kle·
ſach ich vf d̾ heide da was ich ê·

Wan dc ich wol halb̾ tobe·
ich geſwige ir gar·
ie d̾ frowē min·
die ich voꝛ in allē lobe·
wie nimt ſi des war·
ich mv̊s trurig ſin·
ſwa ſich froͤit ein ſelig man· d̾ mit liebe kan ſlafen·
wafen· iſt mīne dc·
ſpꝛechēt was·
dc ich mīne die dú mir iſt gehas·

Swer nv ſiner frowē treit·
holdeſ h̾ze dē·
wil ich lerē dc·
er ſi fro dar zv̊ gemeit·
ſich niht ſere ſen·
vf d̾ valſchē has·
ſwer dien frowē g̾ne tůt· gv̊t vn̄ ere mit grůſſe·
ſv̊ze· d̾ wirt gew̾t·
ſwes er gert·
frowē die ſint gv̊t húre alſam vert·

Sit dc frowē gvͤte kan·
h̾ze machē vꝛo·
ſo ſin wir gemeit·
dien ſol mā ſin vnd̾tan·
ſi v̾tribent ſo·
ſw̾e h̾zeleit·
ſi ſīt die mā erē ſol· zallē froͤiden· mit trúwē rúwē·
rúwē·
ſol niem̾ mā·
ſw̾ es kan·
dc er ſi wol ere vn̄ in gv̊tes gan·

Wan ſol reinē vꝛowē iehē·
dc ſi ſin gefuͤge·
vn̄ ǒch tvgēdē vol·
ſwē ſi wol vō in geſchehē·
der lâſſe ins genvͤgē·
vn̄ ſpꝛeche in wol·
wā ſi ſint d̾ w̾lde ſpil· vn̄ ir wūne mit ſtetē·
heten die māne niht·
ir angeſiht·
ſo w̾e ī d̾ w̾lde dú froͤide ein wiht·