Stammbuch berümpter Fürsten, Graffen vnnd Herren Geschlechter:Seite 63

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>

fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

Melueroda / Eine Herrschafft inn Sachsen / im Hertzogthumb Braunschweig / vnd haben dise herrschafft jnnen gehabt die nachkommen Heinricj Aucupis.

Otto Magnus Keyser.

Ludolff

Wilhelm / Bischoff zu^o Mentz

Otto der ander / auch Keyser

Otto / Herr zu^o Meluerode.

Bruno / Bischoff zu^o Verden / darnach Ro^emischer Bapst / vnnd Gregorius der V. genannt / ist auch ein Herr zu^o Melueroda gewesen / sagt die Sachsen Chronica / im jar 984.

Vnnd Crantz schreibet. lib. 4. Saxo. cap. 27. Das Bruno der erste Marggraff inn Sachsen / Heinricj Ottonis des ersten Bru^oder son / sey auch ein herr zu^o Melueroda vnd Hogeworde gewesen.

Mülingen / Ist für zeiten eine sondere Graffschafft gewesen / ligt im Magdeburger Bisthumb.

Anno 1242 hat gelebt Graff Gebhart von Mülingen / hat helffen Mo^enchenewenburg verbrennen. Collect. Chro. Monche.

Anno 1318 hat Bischoff Burckhart zu^o Magdeburg Mülingen gewonnen / vnd zu^osto^eret. Aber Graff Albrecht von Barbey bawet es wider auff / mit hilff der statt Magdeburg. Chron. Magdeburg.

Heüt zu^o tage haben diese herrschafft / die wolgebornen Herren von Barbey / die sich denn auch dauon schreiben / herrn zu^o Mülingen.

Northeim / Ist auch der alten Graffschafften eine.

Anno 1063 war ein Graff zu^o Northeim hieß Otto / der kriegt das Hertzogthumb Beyern / als Heinricus Claudus gestorben war. Aber Heinricus der vierde / hatte es jhm wider genommen / dieweil ers mit den Sachsen hielt / ja der Sachsen anstieffter war / wider den Keyser / vnnd hats dem Guelffen geschenckt / darüber Otto so erzürnet / das er sich machte an das Keyserliche hauß / die Hartesburg / vnnd die ja^emerlich mit den Sachsen zu^oriß /