Stammbuch berümpter Fürsten, Graffen vnnd Herren Geschlechter:Seite 5

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>
fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

 

Kloster Canonicorum Regularium gemacht / ist also die Graffschafft gen Anhalt transferiert vnd gelegt worden / vnnd die Herrn genant Graffen zu^o Ballenstett vnd Anhalt.

Anno 1154 ist Heinricus Hertzog Bernhards son des Churfürsten zu^o Sachsen / von Friderico I. dem Keyser zu^om ersten auff Anhalt befürstet / vnd jm ein halber rohter Adler vnd ein halber Rautenkrantz / als von Brandenburg vnd Sachsen darzu^o gegeben worden / welchs die Fürsten von Anhalt noch heüt zu^o tage fu^eren / vnd jren Fürstlichen namen dauon haben. Brot. lib. 4. Cap. 1.

Heüt zu^o tage ist das Schloß gantz wu^est vnd verfallen / vnnd geht die sage / Heinricus Leo sols also zu^orissen haben / als der Keyser jhm dz Sachsenlandt genommen vnd dem von Anhalt geben hatte.

Vnd seind die Hochgebornen Fürsten von Anhalt zwar auß altem hohem Adelichem geschlecht vnnd herkommen / Dann in den historien werden sie gesetzt / vnder die Regenten / so dz Sachsenland lang für Carolo Magno regiert haben / vnd sol Berntobaldus auff Ballenstett gewont haben / das obgenante Fürsten dennoch besitzen / vnd von disem Berntobaldo (wie bald inn beschreibung der Herrschafft Ballenstett sol angezeygt werden) sol nach langer Succession^[1] geboren sein Albertus Vrsus der Behr / das er inn seinen wapen einen schwartzen Behrn mit einer gülden krone vnnd halsband / der auff 4 Rohten Zinnen geht inn weissem felde / gefu^eret hatte / welchs wapen denn die Fürsten von Anhalt noch fu^eren. Von disem Alberto Vrso seind grosse leüt vnnd fürtreffliche geschlecht kommen / denn sein son Otto ward Churfürst zu^o Brandenburg / weil er bekam mit seinem weibe Elicha / des letsten Hertzogen zu^o Sachsen Magni Tochter / von Herman Billings geschlecht / die alte Marck Soltwedel. Sein ander son Bernhart ward Churfürst zu^o Sachsen / als also Hermannj Billingj geschlecht / welchen Keyser Otto auff Lüneburg behertzoget hatte / alles verstorben war. Von disem Bernhardo seind kommen drei grosse Fürstliche geschlecht.

1. Erstlichen die Churfürsten zu^o Sachsen / bey welchem stamm es blieben ist / biß ins zwo^elffte glid / als man geschriben hat 1400 ist Hertzogen Rudolff zu^o Schweinitz ein Thurn nidergangen / darinnen sein eltester son verfallen ist.

2. Darnach die Hertzogen zu^or Lawenburg / denn Wenceslaus Hertzog zu^o Sachsen hatte zwen so^ene.

Anmerkungen (Wikisource)

1. lat., Nachfolge