Stammbuch berümpter Fürsten, Graffen vnnd Herren Geschlechter:Seite 4

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>
fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

 

von Dingenstat / der sie also zu^om Stifft bracht Anno 1260. Chro. Magd. in vita Ludolphi Metrop. lib. 8. cap. 11.

Es seind auch etliche hernacher von den Bischoffen zu^o Magdeburg damit belehnet vnd für Ritter oder Hauptleüte des Bischoffs geachtet worden / als Anno 1278 hat gelebt Sumbrecht von Aluensleue des Bischoffs hauptman / welchen der Bischoff Herr Bernt von der Welpe / hat wider Herr Falcken vnd Cu^ort von Redern^[1] / die seine feinde waren / geschickt / sampt herr Burckhart Lappen mit gu^oter rüstung / Aber sie verloren den streit bey Besenburg / vnd wurden erlegt inn die 320 Ritter / dauon das Bisthumb grossen schaden nam. Chro. Magd. in vita 24. epis.

Item Anno 1467 hat gelebt Friderich vnnd Bernt von Aluensleuen / welche der Ertzbischoff von Magdeburg Johannes ein Hertzog auß Beyern / auff dem schloß Caluort / darauff sie waren / bela^egerte / darumb das sie der stat Magdeburg feinde waren / vnd auff sie geraubet hatten / auch den Dantzigern groß gu^ot genommen. Sie ergaben sich aber balde / vnd gaben auch das genommen gu^ot wider / damit ward aller vnwille hingelegt / vnnd lebten hernach in gu^otem friede vnd ru^ohe / wie dann noch heüt zu^o tage das geschlecht vorhanden ist / vnd seind fromme Christliche Junckern. Ludolph vnd Joachim haben Gotts wort lieb vnd werd / helffen auch die reine lehr des Euangelij beyneben etlichen andern Gottseligen vnnd Ehr liebenden vom Adel / mit allen trewen vnnd ernst befürdern vnd fortsetzen.

Ahusen Eine Graffschafft vor zeitten inn Westphalen. Anno 1305 hat gelebt Graff Otto von Ahusen / vnnd ist bürg worden für Graff Simon von der Lippe / sampt dem Graffen von Teklenburg / Benthem vnd Schwalenburg / die seine nachbaurn waren / dem Bischoff zu^o Osnabrug. Crantz in Metr. lib. 8. cap. 52.

Der Bischoff von Münster hat Graff Hansen von Ahusen durch die Graffen von Tecklenburg vnd der Lippe grossen schaden thu^on lassen / Ahusen vnd Dypene zu^orissen / heüt zu^o tage hat der Bischoff dz hauß Ahusen. Hamelm. in descriptione Vuestphaliæ.

Anhalt / Ein schloß gelegen im Hartz vber dem hause Falckenstein / sol den namen haben / das es inn einem steinfels ist gahawen vnd kein holtz im gebewe hat / als / one holtz / denn so schreiben die alten Sachsen Oneholt / etc. sol gebawet sein Anno 945 von Esico dem Graffen / als er auß seinen va^etterlichen schloß Ballenstet hat ein

Anmerkungen (Wikisource)

1. handschriftlich korrigiert Rödern