Stammbuch berümpter Fürsten, Graffen vnnd Herren Geschlechter:Seite 105
| <<<Vorherige Seite | Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter | Nächste Seite>>> |
 | ||
| fertig | Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |
gehalten. Saxo. lib. 6. cap. 42. & Chronicon Saxonicum.
Anno 1242 hat Graff Herman von Woldenberg helffen Moenchenewemburg auß brennen. Annales Coenobii.
Anno 1270 lebte Graff Burckhart von Woldenburg / des soene waren
| Burckhart | Heinrich / | Walther / | Heinrich. | ||||||||||||||||||||||||||
Anno 1310 ist Graff Heinrich von Woldenberg der 34 Bischoff zuo Hildeßheym gewesen / hat siben jar regieret vnd gebawet den Steürwalt vnd Hundesruck Chro. Saxo. vnd nach jm ist Graff Otto auch Bischoff worden / vnnd weil er der letste auß dem geschlecht war / hat er die herrschafft ans Stifft bracht. Metrop. lib. 9. cap. 2. & 12.
Der heilige Benno so vor zeiten Bischoff zuo Meissen gewesen ist / vnd lang hernacher von einem hertzogen zuo Sachsen erhaben / ist auch ein Graff von Woldenberg gewesen.
Wolffenbeütel. Anno 1091 hat alda gewohnet ein Edler herr mit namen Widekind der hat sich mit der stat Braunschweig vnnd Marggraff Eckbrichts schwester Gerdraut verbunden / wider Keyser Heinrichen den vierden. Saxo. lib. 4. cap. 44. WS: Handschriftlicher Zusatz: v. Hamelmann, 224. 4. 9b 4t.
Anno 1193 hat das Castel gewunnen vnd eingenommen Heinrich der Lewe / vnd den Edlen herrn Ludolphum sampt seinem son Eckbrecht gefangen genommen / vnd die zeit jres lebens in der Custedien gehalten / auß vrsachen / dz er jnen hatte zuom verweser vnnd besitzer seines Fürstenthumbs vnd haußhaltung / als er in des Gelobte land gereiset / bestellet / er aber vntrewlich gehandelt hat. Helmold. lib. 2. cap. 2. & Chro. Saxo.
Anno 1382 Ist Wolffenbeüttel eingenommen von Hertzog Friderich zuo Braunschweig vnd der Stat / weil hertzog Otto in der Messe war vnd bettet / vnnd der hauptman mit seinem beystand inn die schencke gangen war. Chro. Saxo. lib. 10. cap. 5. Saxo.
Es haben die hertzogen zuo Braunschweig das hauß vnnd die herrschafft noch heüt zuotage / vnd halten jren sitz darauff.
Anno 1542 hat es der Churfürst zuo Sachsen / hertzog Johan Friderich