So we dir welt ſo we im d̾ dir volgen mv̊s
[346r]
So we dir welt ſo we im d̾ dir volgen mv̊s·
din lon iſt krank dv giſt dē angel iem̾ nach d̾ ſvͤſſe
dv[WS 1] treiſt vntrúwe vn̄ allē valſch vf dinē rugge enboꝛ·
ich han in dinē weg geſetzet minē fůs·
es wēde got vō himle ſo wene ich dir volgē mvͤſſe·
dv zv́heſt mir dē haln als ein ivngē katzen voꝛ·
din lon iſt als ein rich̾ trǒn·
d̾ nach dē ſlafe ſwīdet·
dv haſt ī mīnē mvnt geſtriket dinē zǒn·
da vō mī lip in diner lere erblindet·
ze dir ich nakent [346v] wart geboꝛn· vn̄ ſcheide ǒch blos von dir·
ein linin tv̊ch fúr mine ſchame vn̄ anders niht giſt dv zelone mir·
Als iemā kvmt d̾ vō d̾ ſtir marke vert·
ob er den tvgentrichē vō oꝛte ſehe[WS 2]
vn̄ ob er ſi geſvnt vn̄ ǒch mit froͤidē lebe·
ſi ſpꝛechēt alle er ſi d̾ ſchandē gar v̾hert·
vn̄ dc nv lúzel iemā lebt d̾ ſich im des genehe·
dc er ſo willekliche als er nah hohē eren ſtrebe·
ald ǒch geſvnt mit froͤidē ſi·
ſo wirde ich vꝛo d̾ mere·
dar nah zehant ſo wont mir ſa ein trurē bi·
des ich vil lihte vn̄ ǒch vil ſanfte enb̾e·
vn̄ dc nu lúzel iemā lebt die vꝛi als er von ſchandē ſin·
d̾ vinde ich leider fv́nfe niht vō vng̾lant zeb̾ge vnz an den rin·
Ich bin des edeln w̾den kúniges milte fro·
dar īne er lebt vn̄ da bi pfligt ſo tvgentlich̾ gvͤte·
da vō ſin lob vō ſchuldē ſtiget vn̄ hohe ſtat
deſ edeln keiſers kint· die ſol man pꝛiſen ſo·
vn̄ ſtvͤnde ein gantzer walt vō tvgendē vn̄ in milter blvͤte·
der konde niemer volle tragē die tugende die er begat·
er iſt als ein rein b̾nde bǒn·
d̾ obs mit willen reret·
ir aller milte iſt gegē der ſinen gar ein trǒn·
ſîn hant vil manigē ſin gúlte m̾et·
des iam̾t mich wā ich d̾ eine nie gegē im genôs·
es irret ǒch ſin milte niht wan min vnſelde dú iſt alzegros·
So we dir w̾lt din w̾dekeit·
dú nimt an māgen tvgēden abe·
wā ſiht ir trurē vil die wol zefroͤidē ſint geſtalt·
an libe vn̄ ǒch an rich̾ habe·
mit willē ſvnd̾ h̾zeleit·
die ſelbē hat betwūgē des dú ſchande vn̄ ir gewalt·
dc ſi deſ rehtē hant v̾pflegē·
dc mā da heiſſet w̾dú fůre· trúwe zuht vn̄ ere·
d̾ beſtē froͤide iſt leid̾ nv vil nah gelegē·
ſwa dc beſchiht dc mvͤt mich an die richē edeln ſere·
wc ſol ein trurē dc man niht vúr ſv́nde vn̄ ǒch vmb ere pfliget·
wc ſol ein gv̊t dc wed̾ lib noh ſele froͤit noch ſchandē an geſiget·
Mir tůt vil mang̾ als ein wib·
dú has ir w̾dē mīne treit·
vil dike vmbe anders niht wā vmb ir ſelbē miſſetat·
vn̄ iſt ǒch niemā alſe leit·
als im ob ir vil valſcher lib·
d̾ dinge iht tůt dc im ald ir an erē miſſeſtat·
got weiſ vil wol als iſt ǒch mir·
ſwa richer h̾re an tvgendē vnde an w̾dekeit v̾dirbet·
wc richet er ob ich mit ſcheltē in v̾bir·
vn̄ er mit nide vn̄ ǒch mit haſſe in ſchandē vf mich wirbet·
nv rich v̄s beiden got dú leit· dú war ane alle ſchulde tragē·
dē biderbē mā vō boͤſen wibe· vn̄ mir vō tvgēdeloſen argē zagē·
Wie ſwert mā nv d̾ h̾ren rat·
ich weis wol wie mā wilent ſwůr·
wā riet in trúwe vn̄ ere· vn̄ allē w̾deklichē mv̊t·
ſi rietē dc mā ſchone fůr·
ân erge ſvnd̾ miſſetat·
ſi rietē dc fúr fluͤche vn̄ ǒch vúr ſcheltē w̾e gv̊t·
do mvͤſtē ovch die h̾rē ſwern·
dc ſi dē ganzē retē bi· mit rehter volge w̾en·
hie mite wellēt ſi ſich valſcher fůre w̾en·
der h̾ren vil v̾dirbet vō dē trugeloſē m̾en·
ich weis dē h̾ren iſt ſin rat vn̄ ǒch ſin volge als e geſwoꝛn·
dc eteſwa d̾ eide vil verſchꝛotē wirt die w̾en bc v̾boꝛn·
Ich han der ſwabe w̾dekeit· in froͤmdē landē vil geſehen·
da wurbē ſi nach ṕſe alſo das man in wirde mv̊ſte iehen·
nv wil ich in ir lande ervarn wie ſie da ſin gemv̊t·
ſw̾ mir da heime vn̄ and̾ſwa vō ſchuldē mv̊s gevallen wol·
d̾ ſi gewis dc ich im tůn mit ſange als ich zerehte ſol·
iſt dc ich in vinde alſo dc er voꝛ ſchandē iſt behv̊t·
ein lob dc vs d̾ kv́nde vert
dc hat d̾ wiſē volge ī allē landē·
vil manig̾ vnd̾wilēt gv̊t· dvr gúde bi dē froͤmdē zert·
dē man da heime ſiht in grôſſen ſchandē·
ſw̾ beide lob behalden wil d̾ ere ſin hvs dc iſt min rat·
dc waſſˢ niend̾ iſt ſo gůt ſo da es vō ſpꝛvnge vf gat·
Swer ſine rúwe an dc ende lat·
der tv̊t als ein vnwiſer man d̾ gebuwē hat·
ein hvs mit ſchonē holze gůt·
do kom ein zv́rnig fúr dar an·
do ſtv̊nt ſîn ſin ſin woꝛt ſin rat·
vf and̾s niht wā loͤſcha h̾re als noh vil manig̾ tůt·
do im v̾gie das fúr die túr·
do mv̊ſt er ſeibe vn̄ dvch ſin gv̊t· in ſinē hvſe v̾bꝛīnen·
diſ biſpel kv́nde ich mir vn̄ tvmbē lúten fúr·
dc wir den ſv́ndē voꝛ dem tode enpfliehē vn̄ entrīnē·
het ǒch d̾ ſelbe vnwiſe mā gewūnē e dē ſelbē mv̊t·
ſo het er voꝛ des fúreſ kraft [347r] ſich ſelben vs get̋gen vn̄ ǒch ſin gv̊t·
Ein lǒb iſt manigē lútē bi dc niht an eren frumt·
vn̄ ǒch zekrank wirde doꝛt an ſelekeite kvmt·
da niht belibet vnderwegē· ſwas an vns allē wirret·
wā ſeit vō eime er ſi getrúwe· vn̄ anderre vůge niht·
d̾ and̾ hat mit kv́ndekeit gegē valſcher fůge pfliht·
d̾ dꝛite ein wening wol gezogē· die ſint da mit v̾irret·
wā ſeite d̾ vierde ſi ein degē
des libes vn̄ ein arg̾ zage deſ gůtes·
wan ſeit d̾ fúnfte kv̄ne wol ſin ſelbes ſchone pflegē·
vn̄ ſi da bi vil gar v̾ſchātes mv̊tes·
wā ſeit d̾ der ſehſte mīne got dv́ wile iſt ǒch v̾loꝛn·
get es vō h̾zen niht vn̄ ander tvgende hat v̾koꝛn·
Swēne ich vō akers kvm gewāt·
her in d̾ tútſchē habe·
mī kvnft erſchillet in dv́ lant·
das eteſlich̾ wol da vúr geſwuͤre·
d̾ niht voꝛ ſchandē iſt bewart·
ſo mvͤze ich criſtes grabe·
niem̾ geleiſtē mine vart·
ob ich die ſelbē niht mit ſcheltē ruͤre·
die wile ſo gibe ich in allē vꝛide·
dc ich ir laſt̾ offenb̾ geſinge·
vn̄ weis doch wol ſolt mā mich loͤſen vō der wide·
dc ich niht mag v̾laſſen ald ich betwinge·
vn̄ weis[WS 3] doch wol ê ich ein argē zagē getwūge vf miltē mv̊t·
dc ich mit riemē lieht̾ twunge einē ſtein dc mā im an d̾ ader lieſſe blv̊t·
Swes lob alſo v̾nagelt wirt dc niht eī meiſt̾ bvͤſſen kan·
dc nimt an dien erē abe dc lihte ein kv́ndig man·
ſin hinkē an der wirde ſpúrt dar nach ein ſtruchē ſchiere·
vn̄ nach dem ſtruche ein vallē deſ es lihte niem̾ ſich erholt·
als mā die niete nieten ſol dc es vnſanfte dolt·
ir iſt da her ī minē lobe v̾doꝛbē mir wol viere·
dien ſtarke nagel ſint geſlagē·
hin dvr die tvgēt vn̄ and̾talp v̾zwiket·
ich kan úch and̾s niht von in geſagen·
ſwc mā mit argē ſpꝛivchē vf ſi gebiket·
ſo ſint ſi doch an tvgendē gar erlamt·
tprútſch vnd̾ dand̾n die ſich hant an w̾dekeit v̾ſchamt·
Sv́ſa wie wūneklich der vſ oͤſt̾riche vert·
ſit er ſich dvr des ob̾ſtē kúniges ere·
libeſ vn̄ wibes gv̊teſ dar zv̊ d̾ kinde hat bewegē·
dc er da her behaltē hat· wie ſchone er dc nv zert·
mich wūd̾t ſwēne der kúnig hin gege ſahſen keret·
vn̄ er gegē akers vert· welh̾ da v̾dienē mvge bc d̾ ſelden ſegē·
dc iſt ein ſeliklichú vart
die got mit hvnd̾t tvſent lonē giltet·
ſwelh mā ſin gv̊t dar vf erſpart·
d̾ dvnket mich eī gǒch ſw̾ in darvmbe ſchiltet·
het ich getrúwet ſolh̾ dinge an dē vō oſt̾lant·
deſt war im wer min ſcheltē húte vn̄ iem̾ vnbekāt·
So ſich d̾ lib v̾wandelt hat vn̄ ſo du ſele von vns vert·
vn̄ ſi niht weis wes ſi bedarf· we dc d̾ w̾lde ie wart beſchert·
ſolh angeſt vn̄ dú zůu̾ſiht d̾ mēſche bedenken ſol·
dú w̾lt in valſcher vůre lebt· ſw̾ ſi ze rehte erkennē kan·
wie ſi nah tode lonet· die dc gv̊t hie wid̾ erbet an·
we dc dv́ ſele niht ſippe hat· des wirt dú helle vol·
nah dē tode ir niemā pflegē wil·
ſú gahē niht wā wie ſi dc gv̊t geteilē·
ſi hetē wilēt do ſi lebtē mage vn̄ ǒch d̾ frúnde vil·
wa ſīt ſi nv die ſi vō ſere heilēt·
in iſt geſchehē als vns geſchiht· wir ſparē vnz vf dē leſten tag·
ſo ſetzē wir hie dú hohē pfant dú nimā doꝛt erloͤſen mag·
Ein woꝛt d̾ keiſer otte ſpꝛach·
dc ich vnz an min ende wil behaldē·
klagte ime ein valſcher vngemach·
des trúwe er vſſe vn̄ inne wol erkande·
do ſpꝛach er mir iſt vmbe dich·
des ſetze ich mine warheit dir zepfande·
rehte als dir iſt vmbe mich·
der ſtete ſvln wir gegē ein and̾ waldē·
ein valſch̾ frúnt mit valſche klaget·
ſwc ſinē ſtetē frúnde leides wirret·
wil er gelǒbē ſwc er ſaget·
ſo wirt d̾ ſtete frúnt an ſinē troſte gar v̾irret·
wā ſeit dc d̾ gelǒbe ſi gar ane gvͤtú w̾k ein niht·
als iſt mit rede ein frúnt dē mā niht an d̾ helfe ſiht·
Sw̾ ſich mit froͤmdē lútē wil·
v̾werrē d̾ ſol ſvͤnē mit dē kvndē·
wil er d̾ viende machē vil·
dc krenket in ob er tuͤret frúnde veile·
nv ſeht an dē vō oſterlant·
wie dē gelungē iſt zeſînē teile·
doꝛ an dē viendē niht erwant·
do ſolt er an dē frúndē ſin erwīden·
mit rate dē wiſē wol behaget·
wā ſol zenot die kūdē frúnde behalte·
ſw̾ viēde flúhet frúnde iaget·
[347v] ob dē gelinget wol· dc mv̊s vil gar gelúke waldē·
iſt dc d̾ frúnt zeviende wirt vn̄ vnd̾ zv̊ dē froͤmdē ſw̾t·
da wirt ein klēmen dc ir eime vnſelde wirt beſchert·
Swelh fúrſte nach dē keiſer gāt·
dē gelich als ern mit trúwē meine·
vn̄ vf in pꝛúuet valſchē rat·
d̾ hat ſich zim ī wolves wiſ geſellet·
d̾ ſlichet in dē walde nach
dē man iſt dc er ſtruchet ald er vellet·
zehāt ſo wirt dē wolue gach·
dc er vf im gelige der valſche vnreine·
her keiſer ſeht zem vůſſe vúr·
ir ſult úh hindē wol mit witzen hvͤtē·
d̾ úch in wolfes oꝛdē ſpúr·
dc vnd̾ ſtet enzit· e dc der valſch begīne bꝛuͤten·
vō einē halme kumt ein fúr· d̾ niht ſin zúndē vnd̾ſtat·
da vō ein hvs enbꝛinnet gar vn̄ an die ſchúrē gat·
Wie wirt der richen argē rat·
ſi wellēt vúr noh hind̾ ſich gedenkē
voꝛ gotte iſt groſ ir miſſetat·
vn̄ ſint ǒch vō d̾ w̾lte hie beſchvltē
ſi ſcheidēt vō d̾ w̾lte blos vō gote hin·
ſo hant ſi weder hie noch doꝛt v̾gultē·
wie trúget den ſin krank ſin·
der ſich dē tieuel lat alſo beſchꝛenkē·
dc er zeſamē hoꝛdet gv̊t·
dc vf in wůch̾t ſv́nde vn̄ da bi ſchande·
wie we dc andē ende tůt·
ſwēne ers berinpfen mv̊ſ vn̄ er dē kvmb̾ gerne wande·
ſo hat er ſich v̾ſvmet gar ſin ſpetú rúwe im kleine frvmt·
ſwēne er in zer helle poꝛte vúr ſinē meiſt̾ kvmt·
Ob ich niht groſſer doͤꝛfer han·
noh vil der groſſen ſtette in witē landē·
ſo bī ich doch deſ wol erlan·
dc ich durh voꝛhte lútzel iemā diene·
w̾e ab̾ ich h̾re in oſterlant·
ê ich v̾lur die gv̊tē ſtat zewiene·
ich wolde ê ritē vf dē ſant·
zenv̊renb̾g da mich die lúte erkandē·
mich dúhte an mezzen niht zevil·
zeritē nach deſ richē keiſers hvldē·
d̾ mir zetrappē ſtieze ein zil·
dc wolde ich holn ê ich v̾lúr zwei lant ân mine ſchulde·
ich wil d̾ witē lande vn̄ ǒch des groſſen gelteſ gar gedagē·
die edelen dieneſt man die wolde ich niem̾ me v̾klagen·
Merkent welh ein ſvnder art· d̾ ſtoꝛch erkēnet ſinú zit·
d̾ wije vn̄ ǒch dú kleine ſwal· wa ſi dē kaltē wīter lit·
d̾ w̾de mēſche erkēnet niht· dē d̾ in gebildet hat·
al vb̾ dē ſtein deſ ſlāgen vart· vn̄ vf dē mer d̾ ſchiffe gang·
vn̄ in dē lúftē arn flúge· niemā erkēnet min gedank·
noch eines ivngē māneſ mv̊t d̾ vnd̾ dꝛiſſeg iarē ſtât·
d̾ ar d̾ ivnget ſich ǒch wol·
dc hoͤꝛē wir vō d̾ wiſen meiſt̾ lere·
d̾ ſlange ivngert ſinē balk· dc hoͤꝛē wir ſīgē vn̄ ſagē·
d̾ w̾de mēſche ivng̾t ſich niht m̾e·
ſw̾ vf dú ahtzig iar kvmt· mit valwem hare vn̄ ane ſtab·
als es nv in d̾ w̾lte gat d̾ iehe dc im vꝛo ſelde gab·