Ich bin hohes mv̊tes (Mit originalen Lettern)

Ich bin hohes mv̊tes·
hoher mv̊t mir ſanfte tv̊t·
nie niht wart ſo gv̊tes·
ſo mit zúhten hoher mv̊t·
hohgeboꝛn ſchone wib·
mag vil wol erwerben hohgemv̊tes ritters lip·

Ein wib mich behuͤtet·
hat voꝛ truren minú zit·
gvͤtlich ſi mir gvͤtet·
an ir al min froͤide lit·
ich bin dvrh ſi hohgemv̊t
ſo iſt dv́ vil ſchone vō ir hohen tvgēden gv̊t·

Mit rot ſvͤſſen mvnde·
ſpꝛach dv́ gůte wider mich·
ein woꝛt zeiner ſtvnde·
des mv̊s min lip froͤwē ſich·
ſmierēde ir mvnt dc woꝛt ſpꝛach·
do ich in ir liehten ſpilnden ſvͤſſen ǒgen ſach·

IR gv̊t wiplich guͤte·
nam es vs ir h̾zē grunt·
froͤide hohgemvͤte·
blv̊t mir an der ſelben ſtvnt·
do ſi ſpꝛach dc ſvͤſſe woꝛt·
dc ich iemer han fúr miner hohē froͤidē hoꝛt·

Mit ir woꝛten ſvͤſſen·
machet ſi mich hohgemv̊t·
ir vrlop ir gruͤſſen·
mir von ſchuldē ſanfte tůt·
ich bin alles des gewert·
mir der tvgentrichē des min lip ze froͤidē gert·

ICh han von ir ere·
ich han vō ir hohē mv̊t·
dannoch han ich mere·
vō ir dc mir ſāfte tůt·
froͤide wūne ritters lebē·
dc hat ſi zelone mir vmbe minē dienſt gegebē·

Ich han vō der gv̊tē·
lip gv̊t ere gernden ſin·
der vil wolgemv̊ten^{[WS 1]}·
ritt̾ ich mit trúwē bin·
ſwc ſi wil dc wil ǒch ich·
ſi iſt gewaltig kúnigīne iemer uber mich·

Anmerkungen (Wikisource)

1. Vorlage: wolgemv̊te.