Es v̾los ein ritter ſin ſcheide

Es v̾los ein ritter ſin ſcheide·
dar vmbe wart einer frowē alſo leide·
ſi ſp̋ch herre ich wil iv eine lihen·
der wil ſich min leider man v̾zihen·
des iſt niht lanc dc ers v̾warf·
vn̄ kvmt er mir der ir bedarf·
wie wol ich in dꝛan handel·
dem gibe ich ſi gar ane allē wandel·

ER ſpꝛach frowe lat mich ein rede wiſſen·
ob ſi zedē oꝛte iht ſi v̾ſliſſē·
nein ſi vf min ſele vn̄ vf min trúwe·
ich gab ſi minē leidē man fúr núwe·
ſi iſt dike als ein bꝛet·
wan an der einen ſtet·
da zedem hengel riemē·
dc enſchat iv noch ander niemen·

Er wolde ſin meſſer in die ſcheide^{[WS 1]} ſchieben·
do begvnde ſich div klinge biegē·
her wider reht gegen dē hefte·
doch bꝛaht ers dꝛin mit ſiner krefte·
ſchier het er wider gezogē·
es hab ein ſwerzú kra gelǒgē·
wer ſolt des getruwē·
ſi ſpꝛach ziht wider dú wurze iſt noh niht gebꝛuwē·

Anmerkungen (Wikisource)

1. Vorlage: ſcheide ſchiede.