Ein kv́nig hie mit gewalte vert (Mit originalen Lettern)

Ein kv́nig hie mit gewalte vert·
dem ſich vf erde mit erwert·
es ſin kriſten ivden oder heiden·
ſwes er wil vngnade han·
das kan eht voꝛ im niht beſtan·
es werde im iemer weger halb geſcheiden·
got nv ſich ze dinem riche·
alſo das er dir nit erſlihe·
dinē himel ane wer·
vn̄ boch er dar mit einem woꝛte·
ſant peter ſo ſint mvnder·
wan ſwas der kv́nig wil dar vnder·
twīgen daſt im als ein ber·
vn̄ pflegent wol der himel poꝛte·
dar zv̊ hvͤt als himelſch her·

Got herre nv warte vmbe dich·
ich warn in trúwen ſicherlich·
vn̄ han gehoͤꝛet aber froͤmde mere·
der geſter fúr in kv́nges ſchin·
der iſt nv keiſer vmbe den rin·
dv́ mer ſeit mā vns ſtille vn̄ offenbere·
ſeht wrde er gewaltig iemer·
des himels er beriet v́nſ niemer·
got den hab in diner pfliht·
das er v́ns beidenthalben iht verſvme·
doꝛt dawnne wert bi werde·
het er den himel zů der erde·
ſo engebe er niemā niht·
er loͤſet mangen hie dv́ pfant ſo kvme
die man in ſinem dienſte ſiht·