Ein kv́nig hie mit gewalte vert (Mit aufgelösten Abbreviaturen)

Ein kv́nig hie mit gewalte vert·
dem sich vf erde mit erwert·
es sin kristen ivden oder heiden·
swes er wil vngnade han·
das kan eht vor im niht bestan·
es werde im iemer weger halb gescheiden·
got nv sich ze dinem riche·
also das er dir nit erslihe·
dinen himel ane wer·
vnd boch er dar mit einem worte·
sant peter so sint mvnder·
wan swas der kv́nig wil dar vnder·
twingen dast im als ein ber·
vnd pflegent wol der himel porte·
dar zv̊ hvͤt als himelsch her·

Got herre nv warte vmbe dich·
ich warn in trúwen sicherlich·
vnd han gehoͤret aber froͤmde mere·
der gester fúr in kv́nges schin·
der ist nv keiser vmbe den rin·
dv́ mer seit man vns stille vnd offenbere·
seht wrde er gewaltig iemer·
des himels er beriet v́ns niemer·
got den hab in diner pfliht·
das er v́ns beidenthalben iht versvme·
dort dawnne wert bi werde·
het er den himel zů der erde·
so engebe er nieman niht·
er loͤset mangen hie dv́ pfant so kvme
die man in sinem dienste siht·