Dv́ hohgemv̊te hoͤhet ſich mit tůgēde ſo

Dv́ hohgemv̊te hoͤhet ſich mit tůgēde ſo·
dc ſich mī h̾ze hoͤhen mv̊s vō ſchulden·
owe wā w̾en nv die edelen ivngē vꝛo·
ſo moͤht ich ir gedienē wol zehuldē·
wie moͤht ich ein ir hohes lob zevollē w̾de bꝛingē·
in kvnde es niht intvſent tvſent iarē gar geſingē·
darvmbe het ich froͤideg̾nd̾ helfe g̾ne vn̄ ǒch ir rât·
wc ob er eteſlich̾ vf lieb gedinge mir gelichē kvmb̾ hat·

Min kvmb d̾ mich ie ſo kvmb̾liche twāg·
dē mag dú mīnekliche wol v̾endē·
ich ſvnge ich ſagte ir alſo houelichē dank·
gerůchte ſi min vngemvͤte wendē·
deſ ſich ir oꝛe mv̊ſt erfroͤwē· un̄ ǒch ir h̾ze erlachen·
owe wie kan ſi ſelig wib ſo hohgemvͤte machen·
er ſol zerehte lange mezen· d̾ an ſi ſo ebne mas·
dc er an ir zer w̾lte nie nach vollē wunſche weder des noh des v̾gas·

Swas iemā weiſ ich weis ein wib ſo vollekomē·
an libe an ſchoͤne an erē vn̄ ǒch an mv̊te·
wirt mir vō ir genadē ſw̾e niht benomē·
dc mir niht and̾ſ mag beſchen zegv̊te·
inweis wc wnders hie bi voꝛ an wiben iemā ſehe·
mich dv̄ket des dc niemā ī d̾ w̾lte bc geſchehe·
mir moͤht an ir zew̾deklichē froͤidē alſe wol geſchehē·
ſolde ich d̾ wūneklichen troſt mit liebē ende mir zeheile noh geſehē·