Wunne wil vnwunne ſchoͤne v̾dꝛingen
[375v]
Wunne wil vnwunne ſchoͤne v̾dꝛingen·
des mans hoͤꝛt vn̄ ſicht wol ſwers nimt war·
ſecht ob das· mug manig h̾ze froͤiden wern·
eſt wunnenklich zehoͤꝛn· d̾ voglin ſingen
ſo iſt wunnēklich zeſehen mang ſchoͤn var·
vns wil ſum̾ froͤide vn̄ wunne bern·
des ſint alle fro
wan die tulden ſenden pin·
dien ſtêtz ſo
dams in nicht mag gemůten· ich glǒb in bi mir· wan mich lat ſin·
ǒch in ſender not das frowe min·
Vnrechte minn̾ irrent recht mīnere·
einer machet das vieren miſſetrúwet wirt·
d̾ nicht heln kan ald aber heln nicht wil·
des das ſînr frowen eren dan wirt ſwere·
vn̄ ab̾ es im ere dāne birt·
des erwindet lieb̾ mīne vil·
doch ſolte es nit
engelten ein getrúwer man·
d̾ g̾ne ſicht
das ſin minnen ſi tǒgen vn̄ er das vil wol [376r] geuuͤgen kan·
an den mag ſich wol ein gůt wib lan·
Dv́ leide hůte irret recht minner ſere·
vn̄ ǒch der v̾wâſſen merker ſpehen·
ſi froͤmdent ir frowen in mangú zit·
dien ǒch dan ir frowen ſint zehere·
die mugen ǒch dc vúr ein irren iehen·
diſt alles wid̾ d̾ minner heile ein ſtrit·
ſwie vil keinen·
das irret ſo irz mich noch me·
ich han kleinen
glúkes ze minr ſchonen frowen· ſi ſchúhet mich ſams ſi gegen mir giue·
mir wart ir nie nicht wan ach vn̄ we·