Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[274v]
Wol mich iemer wol·
der wnneklichē zit·
ſwenne ich ſi ſehen ſol·
dú mir ze herzen lit·
ir minneblike·
ſint die ſtrike·
die mich vahent ane ſtrit·
ir ſchoͤne iſt froͤiden zil·
ſi git ſwem ſi wil·
froͤde vn̄ eren vil·
Wibes lon iſt w̾t·
nach ſender arebeit·
ſwer ſī ze rehte gert·
dem iſt er vil bereit·
hohgemvͤte·
git ir gvͤte·
troſt fúr ſendv́ leit·
Jr ſchoͤne iſt froͤiden zil·
ſi git ſwem ſi wil·
froͤde vn̄ eren vil·[WS 1]
IR reiner lip iſt gv̊t·
des wen ich ſelbe wol·
wan er ſo rehte tv̊t·
dc ich des iehen ſol·
ſi verkere·
mir die ſere·
die ich von ir ſchuldē dol·
Ir ſchoͤne iſt froͤiden zil·
ſi git ſwem ſi wil·
froͤde vn̄ eren vil·[WS 2]
