Wer ſol mich zefroͤide ſpúrē
[309r]
Wer ſol mich zefroͤide ſpúrē·
gen dem wūneklichē tagē·
ſol mir hohgemuͤte túrē·
dc wil ich dien gůten klagē·
ich weis wol es iſt in leit·
ich wc ie dē froͤide g̾ndē mines dienſtes vil bereit·
vn wer ǒch noh vil g̾ne·
mirſt min lon gen d̾ vil ſvͤſſē
húre vnnaher dāne verne·
Selderiche ſvm̾ wūne·
du ſolt liebē minē grv̊s·
ſwie froͤidē mir erbūne
doh wirt māgē h̾zen bůs·
vō dir groſſer ſw̾e vil·
da vō ich dich ſuͤſſer ſvm̾ willekliche gruͤſſē wil·
vn̄ mv̊s doh froͤide enb̾n·
wā min lon iſt gen d̾ ſvͤſſē·
húre vnnah̾ dāne v̾n·
Ich mag wol min h̾ze ſtraffē·
dc ichs gegē ir begā·
vf min ǒgē ſchꝛien wafē·
die vō erſt ſi ſahē an·
ach do wc ſo ſchoͤn ir ſchin·
dc er kā dur gāzú ǒgē in dc ſende h̾ze min·
das [309v] mv̊s iem̾ nah ir g̾n·
ſwie mī lon iſt gen der ſuͤſſē·
húre vnnah̾ dāne v̾n·[WS 1]
Als ein ſwin in einē ſake
vert mī h̾ze hin vn̄ dar·
wildeklich̾ dāne ein trake·
viht es vō mir zv̊ zir gar·
es wil vs durh ganze bꝛuſt·
vō mir zv̊ der ſeldērichē· alſo ſtark iſt ſin geluſt·
we wie lange ſol dc w̾n·
Sit mī lon iſt gen d̾ ſuͤſſen[WS 2]·
Húre vnnah̾ dāne v̾n·[WS 3]
Nv ſi hat doch ſchoͤn vn̄ ere·
ſteimar ſwc an dir begat·
ganzer tvgēde michels m̾e·
aller ſeldē vollen rat·
an ir lit der wūſch vil gar·
wúnſchet alle gůtē lúte dc ich wol gegen ir geuar·
es gat mir dur gāzē kern·
das mī lon iſt gen d̾ ſuͤſſen[WS 4]·
Húre vnnah̾ dāne v̾n·[WS 5]