Walt hat ſich mit kleiden ſchoͤne geſtetet

Walt hat ſich mit kleiden ſchoͤne geſtetet·
er hat vf geſezzet mangē ſtolzen kranz·
hi wiē dem dv́ heide wider gegeſtet^{[WS 1]}·
dv́ hat angeleit r ſchoͤne wnder ſwanz^{[WS 2]}·
da bi hoꝛt man dc gefúgel vf ſchellen·
ſam ſú harpfen wellen·
da zevelde iſt wilde froͤide rehte ganz^{[WS 3]}·

Ich mag wol von wilden froͤiden ſingē·
leider mir wil alle froͤide wilde ſin·
vogel ſang kan mir nit froͤide bꝛingen·
mich froͤit weder lǒp noch gras noch blůmen ſchin·
ſchellich has in walde vn̄ vf gevilde·
wart nie gar ſo wilde·
als min froͤide iſt ǒwe liep dv́ ſchvlde iſt din·

Trut nv kvppelſt· alle mine ſinne·
liep nv iſt dir doch bendic aller min gedanke·
tů mir froͤide bendic trutarinne·
dar zů hoꝛt nit kvpel wan din ermel blank·
trutes trut min liebes liep ein ende·
mir zimt keī gebende·
ganze froͤide wan din werder vmbevang·

Anmerkungen (Wikisource)

1. Vorlage: gleſtetet.
2. Vorlage: ſwanze.
3. Vorlage: ganze.