Uar hin v̾waſſē wint̾ lank
[426r]
Uar hin v̾waſſē wint̾ lank·
din getwang wirt noh krank·
ioh mv̊ſt dv v̾ſwīden·
der ſvm̾ wil b̾g vn̄ tal·
vb̾al· ane zal·
gar vō not enbindē·
kalt is ſiht mā zerfliezē·
dc kvmt vō der ſvnnē glanz·
mā ſiht noh húre hofſchen tanz·
manigē ſwanz· vn̄ kranz
wē ſol der v̾dꝛieſſen·
wib dv́ ſint dar vnd̾ beſvnd̾·
ganzer froͤide eī anevanc
vn̄ aller wūne ein wūder·
Habt vrlub rifē vn̄ ſne·
iarlang me· dur dē kle·
ſiht ma blv̊me dꝛingē·
deſ ſvlt ir weſē an froͤidē balt·
ivng vn̄ alt· māigvalt·
hoͤꝛt mā vogel ſingē·
walt anger heide vn̄ ǒwe·
liht̾ meie hat bekleit·
nv wol vf zv̊ der lindē bꝛeit·
ſvnd̾ leit· ſwer gemeit·
ſchonheit welle ſchowē·
wib dú ſint dar vnd̾ beſvnd̾·
ganzer froͤide eī anevanc
vn̄ aller wūne ein wūder·[WS 1]
IR ivngē leigē wol gemv̊t·
weſent frůt· gegē der blv̊t·
ſchon ſtet dc gevilde·
ir ſvnt v̾dienē erē zol·
tv̊nt ſo wol ſam mā ſol·
erēt wibeſ bilde·
wib ſint der tvgende ein krone·
gv̊t̾ dinge eī vb̾ dach·
vō in wirt úwer vngemach·
ſvnder ach· krank vn̄ ſwach·
dc wirt ú zelone·
wib dú ſint dar vnd̾ beſvnd̾·
ganzer froͤide eī anevanc
vn̄ aller wūne ein wūder·[WS 2]