Stammbuch berümpter Fürsten, Graffen vnnd Herren Geschlechter:Seite 70

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>

fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

Hernacher als die Familia der Marggraffen außstarb / vnd die Marggraffschafft Albertus Vrsus bekam / hat er die herrschafft Plotzke auch wider bekommen. Derhalben hat sich Heinricus Guelffus / Anno 1139 dafür gemacht / das gewunnen / denn er dem Anhaldischen geschlechte feind war. Chro. Saxo.

Anno 1171 hat Keyser Friderich / Graffen Bernhart / Albertj Vrsi son / die Graffschafft Plotzke wo^ellen wider nemen. Es ist aber grosser krieg daruon entstanden. Chro. Saxo.

Es ligt auch vber der Elbe / gegen Schoneberg vber / ein Kloster Plotzig genannt / vnd mag gar wol sein das es dise herrn von Plotzke / als sie daselbst Burggraffen gewesen / haben gestifftet.

Poppenburg / Eine Graffschafft vor zeitten.

Anno 1320 hat das Stifft Hildeßheym dise Herrschafft an sich bracht. Chro. Saxo. hat 1319.

Anno 1264 hat ein Graff von Poppenburg zu^om Ehelichen gemahel gehabt Frawen Orden / geborne Gra^effin von Hohenbu^och / derer Bru^eder gewesen Graff Heinrich vnnd Graff Vlrich / vnnd Graff Hoiger Canonicus zu^o Hildeßheim / vnnd jhrer schwester eine Mechtild ist Aptissen zu^o Gandersheim / die ander N. Herrn Vlrichs zu^o Frideburg gemahel gewesen.

Anno 1388 haben die von Schwichelde vnd Steinberge / Hertzog Bernt zu^o Braunschweig gefangen / vnd jhn auff die Poppenburg gefu^eret / alda gehalten / biß er sich mit vil tausent marck silbers lo^esen mu^oste.

Querfurt / Eine alte vnnd lobliche herrschafft / ligt vast am ende des Sachsenlandes nach Mittage / eine gu^ote meyle vom gesaltzenen sehe.

Ich wil der Herrn geschicht / vnnd Acta nicht erzehlen / inn betrachtung / das M. Cyriacus Spangenberg dauon inn seiner Manßfeldischen Chronica würt weitleüfftig schreiben / sonder alleine eine blosse Genealogiam setzen. Vnnd ist dise.