Sich hat vil schone erslossen

Sich hat vil schone erslossen·
dú liebe sumerzit·
gen dem svͤssen meien·
stent offen froͤiden tor·
vs gruͤner bǒme brossen·
so dringet wider strit·
blv̊t vil maniger leýen·
des ist in nieman vor·
meie hat die heide wol geschoͤnet·
vnd den walt mit sange wohl betoͤnet·
so lebe ich in senden vngemache·
Vor minnen schriken ich mich·
tuchen als ein ente sich·
die snelle valken iagent in einem bache·

Do ich mich der wolgetanen·
mit dienest vnderwant·
aller lande herre·
wande ich von froͤiden sin·
ich mag ir niht ânen·
mich twingent irú bant·
si ist mir al zeuerre·
dú liebú frowe min·
herre got wie gerne ich si gesehe·
vnd dc dc in kurzer zit geschehe·
Noch lebe ich in senden vngemache·
Vor minnen schriken ich mich·
tuchen als ein ente sich·
die snelle valken iagent in einem bache·^{[WS 1]}

Anmerkungen (Wikisource)

1. Vorlage: ī ſendē vngemache· voꝛ· ⁊c̾·