Seite:Spruch vom Roemischen Reich aus dem Jahre 1422.djvu/3

	Ernst Henrici (Hrsg.): Spruch vom Römischen Reich aus dem Jahre 1422. In: Zeitschrift für deutsches Altertum und deutsche Literatur. Band 25, S. 71-77

60

Laß^[1] hochfart vnd neyt, das ist meyn rat,

So wirt auch nicht entzogen das.
Als ich in eyner Cronick laß,
Wie lublich begabt sie teutsche zunge,
Der grunt vnd der vrsprunge

65

Will ich ertzelen, ob ich kann.

Myt denn kurfursten heb ich ann,
Der siebend^[2] sindt, die ich kenne.
Drey ertzpischoff, die ich nenne:
Meintz, cölen vnd darzu Trier,

70

Als keyser karell das geuiell,

Die gewalt sullenn habnn in der cantzley
(Ir teutschen, merckt diese krey),
Doch vglicher in seyner prouintz.
Noch sind mer redlicher printz,

75

Die macht nach keyserlichen stat:

Sachsen das marschalckamptte in hat,
Der truckseß ist pfaltzgraue pey Rein,
Der von brandenburgk soll kamerer sein.
Denn vierdenn nennen ich euch^[3] sueß:

80

Kunig pinterna^[4] boheymus.

Welenn ein den man kronen soll,
Wer inn darzu tut geuallen wol:
Das heyst ein kunig der Romisch kronn,
Den sollen wir pillich haltten schonn

85

Mit aller vnnser gehorsame.

Altzeit Augustus ist sein name;
Doch das er sey teutscher zungen,
Sust menigklich ist der wal verdrungen.
Er soll sein streng, gerecht vnd frum,

90

an^[5] geuerde gleicher schirmung,

Vnd setzen die cristenheyt in frydt.
Des sullenn ym geholffenn sein seyne gleder^[6],
Die dem reich do sind gewant,
Die myr ertzeygent^[7] sindt bekant,

95

Darauff des reichs grund ist gesetzt,

---

1. l. Lasst
2. l. sieben
3. hs. euch ich, durch zeichen umgestellt
4. mir unklar, vielleicht verdorben aus Pincerna kunig
5. vor an ist Alle durch zeichen getilgt
6. der reim erfordert glid
7. verstehe ich nicht

Empfohlene Zitierweise:
Ernst Henrici (Hrsg.): Spruch vom Römischen Reich aus dem Jahre 1422. In: Zeitschrift für deutsches Altertum und deutsche Literatur. Band 25, S. 71-77. Weidmann, Berlin 1881, Seite 73. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Spruch_vom_Roemischen_Reich_aus_dem_Jahre_1422.djvu/3&oldid=- (Version vom 1.8.2018)