Seite:Hugo Martina 1856 0605.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

In der helle ir zit vertriben

45

Svz ist der engel nature

Ir wesin vnd ir figure
Siv sint gar ane sünde
Und sehint in die bünde
Der gotheit an alle gründe

50

Ir genade ich furbaz künde

VON DER ENGEL NATVRE |VND VON DEN NIVN KŒREN DER ENGEL.

Ez ist drier hande wonunge
Daz merkint alt vnd iunge
In den got wonet alliv zit
Dez div schrift vrkvnde git

55

Der ersten wonunge stift

Ist aller frovde ein hantgift

240c,57

Von der heil vnd selde fluzit

Wan swaz si niht beguzit
Mit genaden daz ist tot

60

Div craft ie lebinden geist bot

Allem daz vf erde lebet
Ald oben in den luften swebet
Und kvrzlichen elliv dinc
Hant von ir ende vnd vrsprinc

65

Daz ist div lebinde drivalt

In der got wonet mit gewalt
Bi im selber vnverdrozzen
In siner magencraft beslozzen
Da er ist vnd och ie was

70

In siner wisheit spiegel glas

Da er im selbe och genuoget
Als sinem gewalt wol fuoget
Da hat er ie gewonet da her
Nach siner gewalteclicher ger

75

Div ander wonvnge da got

Inne wonet vnd sin gebot
Daz sint dv reinen herzin
Div ane svnden smerzin
Sint luter vnde reine

80

Und fri vor argem meine

Werk willen vnd gedanc
Wan die tuont die sele cranc
Div abir gar gereinet sint
Div sint elliv gottes kint

240d,85

Bi den wonet gottes craft

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 605. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0605.png&oldid=- (Version vom 18.8.2016)