Seite:Hugo Martina 1856 0348.png

	Hugo von Langenstein: Martina

Daz nach im was gebildet

110

Wie was ir sin verwildet

Ir ogen svz erblendet

Der selden gar gepfendet

138,1

Got hat disen wec gebant

Der martinun was erchant

Den si ane swere

Gie ze dem kerkere

5

Mit frolichem muote

In der tugenden huote

Div gotis erweltiu gimme

Rief mit liuter stimme

In der selbin stette

10

Mit dem volk si rette

Uon gotis genaden enwette

In grozir selden sette

DIV FVNFTE MARTER

Hoher fride michel heil

Gelucke aller selden teil

15

Ist den die die cristes namen

Mit geloben ane schamen

Nemint mit zvoversiht

Den kan gewerren arges niht

Sint fri vor vngelucke

20

Der welte bœsin tucke

Fri ir svnden hordes

Dez meintetigen mordes

So dv welt nv lernet

Mit velschen retin schernet

25

Der murdigen fiunden

Verfluochter tot svnden

Fri vor allim meine

Dirre welte vnreine

138b,29

Die an crist gedingent

30

Nach sinen hulden ringent

In dez fride min vart

Nv sol wesin vngespart

Dez ich niht wider bille

Min begirde min wille

35

Lit an dirre verte

Und ander marter herte

Mit den worten si do gie

Frolich in den kerker hie

Mit lobte richen worten

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 348. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0348.png&oldid=- (Version vom 18.8.2016)