Seite:Hugo Martina 1856 0242.png

	Hugo von Langenstein: Martina

An dem solhe süeze lak

Als alle edil wurzen

Lange vnde kvrzen

95

Die da wol smeckent

Und die sinne weckent

Zefroden zallen ziten

In dirre welte witen

Vnd alle edel salben

100

Waren allenthalben

Umbe si vz gegozzin

Suz was vmbe flozzin

Mit edilm smacke tiure

Von himelschlicher stiure

105

Div reine vil gehiure

Bran in der minne fivre

VON DEZ PANTIERES NATVRE

Ir herzin was vil gach

Mit ernst lief sie nach

Vil balde vnd och schiere

110

Dem himelschen pantiere

Uon dem pantier wil ich sagen

Siner natiure niht verdagen

97,1

Als fisiologus betiutet

Und dez vrkvnde biutet

Siner edilin nature

Vnd sines libes figure

5

Sin hut ist im garwe

Uon menger hande varwe

Vber die maze schœne

Senftmüetic niht hœne

Wan allein ist ez behaft

10

Mit vil steter vientschaft

Gen der tracken kvnne

Sin haz der ist niht dvnne

Zallen ziten ist im scharf

Sin gemüete vnde sarf

15

Gein dem leiden trackin

In sinem hasse strackin

Vnd so ez sich gesattet

Und sinen lip bestattet

Mit allir hande spise

20

Nach siner nature prise

So ez danne hat er iaget

Nach siner arte wol betraget

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 242. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0242.png&oldid=- (Version vom 18.8.2016)