scriptum pervenerit, salutem in Domino sempiternam. Temporis mobilitas gestorum memoriam oblivioni frequentius commendat, nisi fulcimentum scripture huic attencius subveniat, que temporis exigencia rite peracta antiquitus manifestius demonstrat. Hinc est
quod presentibus protestamur, quod ex consensu capituli nostre ecclesie in Brandenburch
domos aliquas segregantes a parrochia sancti Bartholomei in Tzerewist coniunximus ecclesie beate Marie sanctimonialium ibidem de ipsa ecclesia beate Marie virginis, que
ipsi ecclesie sancti Bartolomei actenus subfuerat, singularem parrochiam instaurantes,
ordinantes et volentes, ut domus Johannis Lantridere, que nunc est finalis platee, que
dicitur Molenbrucke, cum omni platea eadem usque ad molendinum prope murum inclusive et usque ad valvam, que dicitur Brededor, ex una parte, item ex alia parte platee isti opposite ipsa area claustri cum novem areis versus sanctum Bartolomeum nunc
sitis, cum omni iure et tricesimo sex mansorum in eadem parrochia iacentium ad ipsam
novam parrochiam iam nomina tam pertineat, sicut ad parrochiam sancti Bartolomei antea pertinebat. Volumus insuper omnes homines ipsius nove parrochie in sepultura et
sacramentis ecclesiasticis exnunc perpetuo titulo subiacere ipsi nove parrochie, quod per
presentes nostri sigilli munimine ac conventus Brandeburgensis sigilli appensione curavimus confirmare.
Datum et actum in Brandenburch, anno Domini millesimo ducentesimo nonagesimo nono, dominica Invocavit.
1299. März 13. Graf Otto I von Ascharien schenkt dem Katharinenhospital zu Aschersleben eine in der dortigen Feldmark gelegene Hufe Landes.
Actiones hominum exsufflari possunt de facili, nisi fulciantur testimonio literali …. Eapropter nos Otto Dei gratia comes Ascharie et princeps in Anhalt universis constare volumus presens scriptum intuentibus tam presentibus quam futuris, quod mansum unum situm in campis Ascharie hospitali civitatis eiusdem beate Katerine ecclesie iure proprietario pure dedimus propter Deum perpetuis temporibus possidendum, quem mansum Cesarius dictus de Erckesleyben pure et rationabiliter resignavit. Huius rei testes sunt: Frank de Radesleyben et Henricus dictus Stoz, Bern filius Vromoldi et Olricus dictus Cluke, et quam plures alii fide digni1. Ut autem nostre donationis concessio rata ac inmutabilis perseveret, nostri sigilli appensione presentem literam duximus roboratam. Datum anno Domini mo.cco. nonagesimo nono, sequenti die beati Gregorii martiris.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 600. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_600.jpg&oldid=- (Version vom 31.7.2018)