sexaginta marcarum examinati argenti, quas nobis refundere tenebantur, dederunt nobis
et ecclesie nostre proprietatem quinque mansorum et unius curie sitorum in Luckenem,
quos mansos et curiam domino Lippoldo de Wenethusen iure porreximus feodali, et sic
sepius dicti fratres nobis et ecclesie nostre fecerunt restaurum centum marcarum examinati argenti omnibus conputatis. In istius contractus evidens testimonium et perpetuum firmamentum presentes litteras conscribi fecimus et nostro ac nostri capituli sigillis iussimus communiri. Testes huius rei sunt: nobiles viri comes Sifridus de Blankenborg et dominus Burchardus de Barebuge, nec non ministeriales ecclesie nostre dominus Gerhardus de Wederde, dominus Richardus de Zerwist, dominus Johannes de
Plote, dominus Hildebrandus de Ovsvelt, et quam plures alii fide digni.
Datum Magdeburg, anno Domini mo.cco.lxvijo, Idus Augusti, pontificatus nostri anno
primo.
1267. August 13. Magdeburg. Der Commendator Bodo des Deutschordenshauses zu Reitling ertauscht von dem Erzbischofe Konrad II von Magdeburg gegen Güter zu Warmsdorf den Wald Evessenberg.
Ego frater Bodo, commendator curie fratrum domus Theutonicorum in Retlinghe, et nos universi fratres eiusdem curie recognoscimus et tenore presentium protestamur, quod, quia venerabilis dominus Conradus sancte Magdeburgensis ecclesie archiepiscopus nobis donavit de consensu sui capituli proprietatem silve Evesenberch, ordinavimus ei et ecclesie sue dari proprietatem bonorum in Warmestorp ad valorem quadraginta marcarum, obligantes nos per fideiussores ydoneos dominum Rychardum de Czerwist et dominum Hildebrandum de Ovsveld, quod usque ad festum epyphanie instantis proximo eidem valorem sexaginta marcarum argenti in proprietate aliqua debeamus adhuc omni procul dubio restaurare. Verum cuiuscumque proprietatem ipsi et ecclesie sue disposuerimus, eandem illi porriget iusto tytulo feodali. In cuius contractus evidentiam presentem conscribi fecimus litteram et sigillo nostro iussimus communiri. Datum Magdeburg, anno Domini mo.cco.lxvijo, Idus Augusti.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 242. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_242.jpg&oldid=- (Version vom 31.7.2018)