(1265.) Die Gebrüder von Heimburg resignieren dem Markgrafen Otto III von Brandenburg die Vogtei zu Mekelenfelde zu Gunsten der Söhne Bertrams von Hoim.
Domino suo illustri principi Ottoni1 marchioni Brandenburgensi fratres omnes de Heimborch cum omni fidelitate debitum et paratum ad omnia famulatum. Excellentie vestre advocatiam in Mekelvelde, quam a vobis hactenus dinoscimur habuisse, ad peticionem pariter et favorem illorum de Hoiem, filiorum domini Bertrammi, duximus resignandam. Et cum nos ad vestram presenciam proxime venire contigerit, oretenus idem faciemus. In huius igitur rei testimonium presentem paginam roboramus.
1266. Februar 26. Halle. Der Cardinal-Legat Guido vom Titel des h. Laurentius in Lucina bestätigt den zwischen dem Kloster Nienburg und dem Grafen Bernhard I von Anhalt bezüglich früherer Streitigkeiten abgeschlossenen Vertrag.
Venerabili in Christo patri Henrico1 Dei gratia episcopo Havelbergensi frater Guido miseratione divina tituli sancti Laurentii in Lucina presbiter cardinalis, apostolice sedis legatus, salutem in Domino. Cum olim inter religiosos viros Gevehardum1 abbatem et conventum de Niemburg, ordinis sancti Benedicti, Magdeburgensis diocesis, ex una parte et comitem Bernardum de Anehalt ex altera super dampnis illatis ab eodem comite ecclesie Nienburgensi necnon et relaxatione eorundem dampnorum ab abbate et conventu concessa comiti supradicto, ea videlicet ratione ac pacto, ut iura ipsius ecclesie non turbaret ulterius in pedagiis exigendis ab hominibus eiusdem ecclesie et in exactionibus tam ecclesie quam hominibus ipsius de cetero minime faciendis, ac super aliis multis articulis discordia verteretur, tandem per amicabiles compositores inter ipsos extitit concorditer ordinatum, sicut in instrumento super hoc confecto plenius continetur2. Nos itaque predictam ordinationem seu compositionem, secundum quod rationabiliter facta est, tenore presentium confirmantes vobis qua fungimur auctoritate mandamus, quatenus predictos Gevehardum1 abbatem et conventum contra huius nostre confirmationis tenorem non permittatis ab aliquibus indebite molestari, molestatores, si qui fuerint, per censuram ecclesiasticam compescendo.
Datum Hallis, iiij Kalendas Marcii, pontificatus domini Clementis pape iiijti anno secundo.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 227. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_227.jpg&oldid=- (Version vom 31.7.2018)