Seite:Briefwechsel Hildebrand Veckinchusen 512.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Und ich hebbe betalt Hinrich Bonenberch, Gerit Sparrenberchs wyrt, 400 Oyverlentsche gulden. Dit segget Gerit, off hie to Brug is. Nicht me zo deser ziit, dan Got sy myt uch. Gescreven des godesdach na sent Margareten dach.

By myr Reynart Noiltgin.

532. Reinhard Noiltgin (in Köln) an Hildebrand Veckinchusen in Brügge.

Rev. St.-A. Orig. Adr.: An den eirberen man Hildebrant

Wickinchusen to Brug littera detur.

Mynen dyenst und wat ich gudes vermach. Wist, Hildebrant, gude vrunt, dat ich heb vernomen umb alsuch garn as Peter Nar dar gekoft hatte, dat soilde wail gelden 12 gulden der Colsse zinder. Herna mu^ocht yr uch richten und weyrt dat yr dis wat koft, so stecht yt in eynen sac und sendet yt also, dat weyr de mynste wracht. Nicht me zo deser ziit, dan Got sy myt uch. Gescreven des dinsdach vur lest vestavent.

Und unse wygen en synt noch nyet coemen und dar synt oich noch geyn gewest.

By myr Reynart Noiltgin.

533. Reinhard Noiltgin (in Köln) an Hildebrand Veckinchusen in Brügge.

Rev. St.-A. Orig. Adr.: An den eirberen

man Hildebrant Wickinchusen to Brug.

Mynen dyenst ond wat ich goits vermach. Wist, Hildebrant Wickinchusen, gude vrunt, dat ich juwen breiff wail heb vernomen, dat gy my scryven, dat ich my hebbe volichen bewist myt den fardelen to senden. Dat en is seker myn schult nyet, dat sal ju broder wail seggen und ich geloyff, hie hebbe yt ju ou^och alreyde gescreven, want al Collen en stonden geyn fardel zo krygen in geynre wis und ich ju nu 3 Ausborger fardel gesant myt Gerit Danckart und de vracht is 6½ gulden und 2 wis d. vur de 3 stuck. Und ich wil yr uch balde me senden, off Got wilt. Dese fardel en dogen nyet verkocht in geynre wis, want ich en wis noch nyet, wat ich darvur bezalen sal, ich moist sy nemen up alsuchen pris, as sy solen gelden 14 dach na paisschen und is wail sunde, dat sy dan solen gelden 10 gulden off 12 me dan hudedisdach. Verkoft gy sy dan nu, so soilde wy groten schaden daran doin. Darumb sprech myt Claus Balken und ouch myt Wernner Scherren dat wy mu^ochten gelt hebben in der myssen to Andorp zo bezalen. Dat gelt bezalt wy dan myt desen fardelen wail. Hirin provet dat beste. Und ich heb noch to verkopen eynen sack wullen und ich wil ju balde scryven al ding wan der wullen und ouch wan den wighen. Nicht me zo deser ziit, dan Got sy myt u^och. Gescreven des anderen dinsdach in der wasten.

By myr Reynart Neu^oltgin.

Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 512. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_512.jpg&oldid=- (Version vom 31.7.2018)