Also as gy my schrift umb wicht van der wullen:
2 seek woghen zosamen 332 punt, de sack affzoslain, de weghen 11½ punt, und 2 punt gaiff ich in den koiff.
Noch 2 seck weghen zosamen 328 punt, hir aff sal me slain 11 punt vur de seck.
1 sack woch 1½ zinder und 2 punt, hir sal men noch den sack affslain vur 6 punt.
1 sack woch 1½ zinder und 20 punt, affzoslain den sack vur 5 punt und ½ mark.
2 seek weghen zosamen 19 punt myn dan 3 zinder, de seck affzoslain vur 11 punt, und 2 punt hatten sy in den koiff.
2 seck weghen zosamen 3 zinder und 34 punt, hir sal men de seck affslain, de woghen 20 punt myt der koder vullen, de sy myr widerbrachten.
Dyt ys de gewicht van der wullen myt der hast gerechent.
Und ich verkocht sy weyrs van der karren, dar en verloir wir nyet an.
527. Reinhard Noiltgin (in Köln) an Hildebrand Veckinchusen in Brügge.
- Rev. St.-A. Orig. Adr.: An Hildebrant Wickinchusen to Brug littera detur.
In dorso von der Hand des Empfängers: Hirop betalt Termeryssus 8 ℔ groten. 12 in jullejus 8 ℔. Item noch den sulven man 7 ℔. Summa in al betalt 15 ℔; op sunte Peters unde Pauwels dach 100 gulden.
Mynen dyenst und wat ich goits vermach. Wist, Hildebrant Wickinchusen, gude vrunt, dat ich heb 100 gulden hir upgenomen van Jan van Gint, de solt dyr eym to Brug betzalen, den gulden vur 36 groten, eym off syme knecht Gerart, und nempt synen wyrt darby, up dat gy vervart syt, 8 dach na gesegels brieffs. Und hebbet vruntlichen danck vur alle, dat gy my dar deden. Nicht me zo deser ziit, dan Got sy myt uch. Gescreven des dinsdach vur sent Johans baptisten dach.
Van Gerart Sparrenberch en heb ich noch nyet vernomen und ich heb zwe in synre herberghe gewest und heb na eme gevraicht.
528. Reinhard Noiltgin in Frankfurt an Werner Scherer in Brügge.
- Rev. St.-A. Orig. Adr.: An Werner Schere to Brug
in her Thomas Bonen hus littera detur.
Mynen dyenst und wat ich godes vermach. Wist, Werner Schere, gude vrunt, dat ich uch senden eyn dennen was, dar is in 31 timmer marten und ich wilry uch me senden, off Got wilt. Deser marten en solde gy nyet laissen tymmeren, sy en sint altosamen komen, so mach men sy gelich machen, so helpet de eyn de ander verkopen und ich heb 600 gulden dar gewesselt to betzalen in Bruger mart. Dat en konde ich nyet gebesseren in geinre wis.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 509. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_509.jpg&oldid=- (Version vom 31.7.2018)
