115 gulden, dat ander 110 gulden. De wil ich uch senden zo Andorp, off Got wilt. Nicht me zo deser ziit, dan Got sy myt uch. Gescreven 12 dach vur pinxten. Groist my myn juenwraue, ju gode wiif.
510. Reinhard Noiltgin (in Köln) an Hildebrand Veckinchusen in Brügge.
- Rev. St.-A. Orig. Adr.: An den eirberen man Hildebrant
Wickinchusen to Brug littera detur.
Mynen dyenst und wat ich goitz vermach. Wist, Hildebrant Wickinchusen, gude vrunt, dat ik uch heb gesaut 2 Ausborger fardel myt Gerit van Geersheim to Berghen und 2 linen und 5 stuck kannefas. Dit solt hey uch wort senden to Brug. Noch heb ich uech gesant 2 Ausborger fardel myt Wolter van den Loyp. Noch heb ich uech gesant 1 Ausborger fardel to Andornen an juven wyrt in de gans, dat sal hye uch wort senden to Brug, also heb ich eym gescreven. Und ich heb uch geleynt 1 Ausborger fardel to Collen, dat sollt dyr to Brug bezalen. So wat de anderen geldent van desen stucken en heb ich noch geyn antwort. Dat heft mych grois wunder, we it darumb sy. Wortme so heb ich uch rechenscap gescreven myt den kurstzten van allen dingen. Mer wilt yr besser bescheit wissen van eyniche stuecken, dat wil ich uech gern schriven. Und wolde myr myn schultgemat war seggen zo rechter ziit, so wolde ich uch balde me godes senden. Nochtant wil ich daz beste hirin proven, off Got wilt. Und de wever hetten der wullen zomail gern me. Hirin provet dat beste und hode uch vur der steynnetiche wullen. Nicht me zo deser ziit, dan Got sy myt uch. Gescreven des dunresdachs na sent[1] Katherinen dach.
511. Reinhard Noiltgin (in Köln) an Hildebrand Veckinchusen in Brügge.
- Rev. St.-A. Orig. Adr.: An den eirberen man Hildebrant Wickinchuse[n] to Brug.
Mynen (dyenst) und vat ich goits vermach. Wist, Hildebrant Wickinchusen, gode vrunt, dat ich uren breiff wail heb verstanden, den ir myr hayt gesant as van des geldes wegen. Da wil ich gern dat beste by doin na raid ures broders. Mer ich en sach ney koder myssen van al unse laken heb ich numme wan 10 stucke verkocht und darzo verborcht. Van unse stroppellinge han ich nauwe also wil reytz gels geloist, dat ich mochte scifloin und zerinck kregen und seddet myr ummers geyn laken me noch zo der tiit, want ich han irre noch stain 36 stucken mer wulle hed ich wail zo doin alle myne koifludde hetten al gern wulle und ich wil ummers stellen, dat ich uch sende, off Got wilt, 4 ofte 5 fardel weder zo der hant myt den alren
- ↑ na sent steht zweimal.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 499. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_499.jpg&oldid=- (Version vom 31.7.2018)
