505. Werner Scherer und Reinhard Noiltgin in Köln an Hildebrand Veckinchusen in Brügge.
- Rev. St.-A. Orig. Adr.: An den erberen man Hyllebrant
Vockinxhusen to Brugge sal desse bref.
Vruntlike grote tovoren an mynen leven vrunt. Hyllebrant Vockinxhusen weten sole gy dat Reiner unde ik jue bydden, dat gy des nycht einlaten, gy einsenden hir noch ein 4 sacke wullen van den groten sacken ofte 8 sacke van den klenen, wente se sal hir em geldes genoch gelden unde in unse hus, dar hevet ein geselle 3 sacke, de tomale gut is unde de hevet he vorlaten umme 4 gr. unde 4 myten, spreket met Rolant Hagelinck, de sal se jue wol doen hebben, wente se stet in sinem handen. Leve Hillebrant ramet hir des besten in. Item so wille wy it maken, woe wy it maken, dat gy dar sullen hebben 2 ofte 3 vardel met den ersten, dat wy kennen, dar moge gy jue wol to vorlaten. Item, so wetet Hillebrant, dat uwe broder hir is gecomen unde he einhevet hir noch boven 2 dage nycht gewesen unde he hevet vuste unde vele wort gehat kegen Hinrik oppem Orde, mer he singet (!) al 5000 mark. Ok Hillebrant doet wol unde scryvet uns tydinge met den ersten van allerleye krude, darna mach syck Reiner rychten unde wat gy hiran doen wellen, dar scryvet uns ein antworde van unde gebeydet over uns also over juwen guden vrunde; unde myn wyve doen jue sere groten. Gescreven des sundages vor unser vrowen dage.
506. Werner Scherer an Hildebrand Veckinchusen.
- Rev. St.-A. Orig. ohne Adresse. In dorso nur eine Handelsmarke:
Item, so wetet Hyllebrant, dat in den twen packen was, de wy Reiner sanden to Kollen wort, int erste 28 stukke gras, de helden 500 unde 68 elen ein quartyr, de ele stont 15 gr.; summe in gelde 35 ℔ 15 sl. unde 4 ₰.
Item so was noch in dessen sakken 8 stukke gras, de helden 168 elen unde ein quart, de ele stont 17 groten, summe in gelde 11 ℔ 18 sl. 4 ₰.
Item so stonden se to Torolt to slaen 2 sl. gr. Item van Torolt hirtovoren 2 sl. gr. Item to steken unde to meten 6 sl. gr.
Item to slaen unde to bere unsen piners 14 gr., to laden 4 gr., to tolle enen gr. De summe, dat desse 2 packen stonden myt allen ungelde tot op de karren 48 ℔ 5 sl. 3 ₰.
507. Werner Scherer in Köln an Hildebrand Veckinchusen in Brügge.
- Rev. St.-A. Orig. Adr.: An den erberen man Hillebrant Veckinx husen to Brugge sal dese bref.
Vruntlike grote tovoren an mynen leven vrunt, Hyllebrant Veckinxhusen. Weten sole gy, dat wy juwe breve wol vornomen hebben int erste,
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 496. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_496.jpg&oldid=- (Version vom 31.7.2018)
