hebbe, wand som lade hedden gernne screven, men sey wolden neyn gelt utgeven.
Item ic sende ju 1 punt cruodes int hus to der kost. Item ic sende ju punt cruodes, dat sendet her Hynric Rapsylver van myner wegen unde byddet en, dat hey syk nicht vorsmaen late.
486. Series Veckinchusen in Sluys an Hildebrant Veckinchusen in Brügge.
- Rev. St.-A. Orig. Pap. Adr.: An Hillebrant
Veckinkusen to Brugge littera detur.
Mynen denst unde wes gudes vermach beyreyt. Wetet leve om, dat ik sande to vorjaren santte 3000 schoneswerkes unde 3 tymmer. So is my van elken 1000 vorden 11½ ℔ gr. summa 34½. Item noch 7½ tymmer troynyssen 3 ℔ 4 sl., des my gy my noch schuldich 10 frd, dat gy mede deden van stuwen vandes – item summa 38 ℔ gr.
Item des sante gy my dar wedder up 15 Tomasche laken, de stunden 30 ℔ 16 sl. gr.
Item so geve gy Dederik Borgher 1 ℔ gr. van mynen wege, dat ander so bleve gy my schuldich summa 6 ℔ gr. 4 sl.
Item des sy ik ju wedder schuldich 2 ℔ gr. myt deme, dat gy vor dat want solen utgeven.
Item so dot unde gevet Tiddeken Swarten 21 sl. van mynen wegen.
Item so gevet eme noch 12 sl. van mynen hoyken.
Item so gevet noch deme van mynen hoken to maken, dat hadde ik alle vorgetten.
Item summa van dessen 6 ℔ blivendes 30 sl. gr. unde 4 gr.
Item des sy ik ju noch schuldich unde dat ander dot wol. Hans van der Voste van deme bere wol segen sal.
Item 2 gr. vor den budel, item 2 gr. strohot, dat hade gy altomale towege mede, do gy Acken togen.
Item des my noch schuldich 11 Kolsche witte d(enar) vor ju pacel, dar ju kleder woren, item so hebbe in klederen 1 tasche, dat wette Voste, de mach he nemen unde legen se in de kisten.
Item so wettet, dat noch hebbe stande in der 3000 schoneswerkes unde 2 tymmer.
Item des hevet myn her als 1 quarter darinne by sik, dat moge gy by sik beweren ofte do det Hans van den, dat van de korter komet, de mach eme sin dink by sik beweren.
Item so wes Rolande van mynen harnsche to matte (!) is eme worden, leve oem, wes nicht to matte is, dat Kort Swarten don.
Item so rekende gy my lesten 14 sl. gr. de bort Rolande uttogeven, dat wette sulven wol, dat he to wel hadede mer dan eme to borde myt 14 Tomasche. Nicht mer uppe desse tit gesunt in Gode.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 474. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_474.jpg&oldid=- (Version vom 31.7.2018)
