ut vor mynen heren vor 1 tunne werkes, dat Tydeman Brekelvelde to Lubeke achter was – 34 gr.
Item so quam Johan Allerssone darnest van Westwort, dar moyste ic inleggen, dat hey dat schep mede utreydden op myns heren part 5 ℔ 10 sl. grote.
Item so sante ic ju in Vrederyk Roleffsone by myns heren tyden 300 soltes, dyt stont 41 ℔ 8 sl. 6 gr. Dey summe hirvan es tohope, dat ic tachter was 48 ℔ 9 sl. 5 grote. Item leyve vrouwe, ju gheleyve to weten dat my myn here sande, des Got sin seylle troysten moyte unde alle kerstenzeille tom ersten untfench ic int jar 1410, 5 daghe vor sunte Margreten daghe[1] 1 tunne werkes. Hirop quam to unghelde 23 grote. Item so hebbe ic ut desser tunne vorkoft 5000 (unde) 4 tymmer 3 bote scones werkes, dat 1000 golt 11 ℔ 7 sl. gr. Item so weren hir dornisse mede, dar moyste ic beterynge op don 10 gr. unde geven to mekelerdye 2½ sl. gr. Aldus so es dey summe van desser tunne werkes blyvendes 58 ℔ 4 sl. 4 gr.
Item so untfench ic ut schepper Lunenborch 2 tunne werkes; hirop quam to ungelde 5 sl. 10 gr. Item so hebbe ic vorkoft ut er tunne 8000 scones werkes, dat golt 11 ℔ 15 sl. gr. Item gheven to mekelerdye 4 sl. gr.; aldus so es dey summe tohope van desser tunnen 93 ℔ 10 sl. 2 gr. Item vorkoft ut der anderen tunne 4000 (unde) 1 quarter lusswerkes, dat 1000 golt 9 ℔ 27 sl. gr. Item vorkoft noch hirut 1 quarter rodes werkes, dat 1000 golt 8 ℔, dat was dat quarter 2 ℔ gr. Item vorkofft noch ut desser tunne 15 tymmer troieniss, dey gulden 5 ℔ 8 sl. 6 gr.
Item vorkoft 10 tymmer troeniss by 15 unde by 20, dey gulden al 3 ℔ 7 sl. 6 gr. Item so es dey summe blyvendes van desser tunne tohope 52 ℔ 2 sl. grote.
470. Hildebrand Veckinchusen an Rafael Spinghel.
- Rev. St.-A. Pap. mit H. V. Hand, Abschrift oder Entwurf.
Syr Raffeheyl Spinghel, gude vrend, ick dancke ju aller ere unde doghet, dey gy my pressentert hebben unde ok noch ghernnen bewysen welt by juwer ghenaden van Godes weghen, na dat myne sake noch gheleghen sin, so bydde ick ju umme Godes wyllen, dat gy my welt myn ysterment welt gheven, dar ick inne vorbunden sy keghen Aron Spinghel, den men heyt Hardement, des so wyl ick ju weddergheven enen breyff van myr hant offte van scheppen, woy ju den gheleyvet to hebben na allen redelyken saken, al dat ick mynen anderen schuldenners sal doen in dat ghelyken, sal ick ju ok doen na pennyncktalle, welt God.
Wyllem Bonnedonne, dey sal ju al myn not bet segghen dan ick ju hir scryve, des welt eme gheloyven, dar by unboydet my juwe gude antworte. Ghescreven 15 dage in aprylle.
- ↑ 1410 Juli 8.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 461. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_461.jpg&oldid=- (Version vom 31.7.2018)
