Werliken, dat ic my dar nicht vor en horden, dat under sinen merke hirover komen solde, hir is al den plas af, isset den brif ofte en ander brief, des en wet ic nicht, wente he en quam my noch nicht tor hant. Doet wol leve swager, dat gy uns den brif hirover sanden also vere als gy en nocht hebben. Ok so wetet dat wy an beiden siden ut der hant ghegaen sint, elk hevet 3 in de hant gheven und heb en gheseght kuennen se in ennighen punten besen, dat ic unrecht sy, ic wil aflaten. Aldus staet uns dinc und hebbet nocht nicht tho hope gheweset. Und ic sende ju ein verdendes lasses by schipper Herman Husman, dat en late ju nicht vorsmaen; darmede blivet ghesunt und segget mynre vadderen vele gueder nacht. Ghescreven de sundages vor sunte Johannes dage.
466. Rafael Spinghel (an Hildebrand Veckinchusen).
- Rev. St.-A. Pap. Orig.
Amice habui cedullam vestram presentem per Guglielmum de Bonadona qui etiam mecum loqutus fuit; de factis vestris, oro ut vobis dicet oretenus praedictus Gulielmus ego avallum (!) feci magistrum Johannem de Mil pro factis vestris et quid vobis promisi ac quid dixi dicto magistro Johanni volleo firmiter tenere sicut vobis dicet dictus Guglielmus.
467. Hans Sunnenschein an Hildebrand Veckinchusen.
- Rev. St.-A. Orig. Pap. Adr.: Hildebrant Vockinchusen.
Item Hildebrant, gude vrunt, so hebbe ik untfangen van Engelbrecht juwen neven to juwer behof 4 ℔ 11 sl. 7 gr.
| Item so hebbe ik hirvan utgeven eyrsten to juwer wegen Roleff Mant | 2 ℔ | gr. | |
| Item noch by Roleff | 11 sl. | 7 gr. | |
| Noch 1 tonne beyrs | 6 „ | 9 „ | |
| Item noch by Roleff | 10 „ | gr. | |
| Item so hebbe ik jo geven by my selven | 10 „ | gr. | |
| Item so hebbe ik geven vor dey slotunne to beslane und den boden to maken | 1 „ | 2 gr. | |
| Noch vor 2 appel to Lubeke to dregen | 3 „ | ||
| Item noch vor 1 par slaplaken | 4 „ | 2 „ | |
| Item so sende ik ju nu by Roleff | 7 „ | 8 „ | |
| Summa tosamen | 4 ℔ | 11 sl. | 7 gr. |
aldus is dyt slicht.
Hildebrant ik love, dat Gerwin van der Espen und Gerd van Mynden und ik van dagen noch by ju komen.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 459. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_459.jpg&oldid=- (Version vom 31.7.2018)
