Seite:Briefwechsel Hildebrand Veckinchusen 455.jpg

	Wilhelm Stieda (Hrsg.): Briefwechsel Hildebrand Veckinchusen

bestellet to Colnne by Reinolde Swarten dey sal Arnt Pasman geven 240 Rynsche gulden.

Mynen dienst vorscreven Hildebrant Veckinchusen besonder guede vrynt. Ich beger u to wetene, so wol dat ich to Coelne geweset byn und myn gelt dan nyet vonden en heb, also als gy my schuldich waret na ynnehalt myns brieves, den ich van u hebbe und gy my oeck tosachtet, dat ich sonder vertreck myn gelt hebben solde, also dye brief oeck ynneheldet und ich mynen vrynden dat gelt togesacht had op den dach und sy darop gegolden hadden. Und doe sy dat gelt doe nyet enkregen, doe moesten sy dan ume schaden doen. Vort so is my eyne brief van u komen, die quam my op sente Katherynen avent, den ich gelesen heb darynne dat ich nyet betaelt en byn, warumb ich u weten laet, dat gy also bestellet, dat my myn gelt betalet werde in uwes broeders hu^eys to Coelne 14 dage vu^er Kerstnacht ofte ich moet noch merren schaden darumme doen und ich wille my dan hoeftzgu^etz und schaden an u verhalen ind moet dan doen, dat ich tomael noede dede als aver u schryven enen clagen, dat gy my dat myne entholden hebbet ind myn dach half solde hebben gewesen nativitas. Ind letet tesamen staen to sent Mertyn, op dat ich sonder vertrec dan te samen hed, des nyet geschiet en is. Hyrumme so willet noch so bestellen, dat id geschiet als vurscreven steyt op dat den merren schaden nyet en geschie. Want wy gelt te schaden moesten nemen by gerechter kopenscap vort besonder gu^eede vrynt, so bidde ich u als ich vryntlichste mach, dat gy willent spreken Arnolt Scholten van mynen wegen, dat hee sick darna richte, ich moet die hondert Rheinsche gulden van yeme hebben, of dat hee tu^esschen hyr und Kerstnacht so to Coelne bestelle, dat see my verwysset werden, wan das nyet en schiet, so moet ich doen, dat ich node dede ind komen terstont na den hogetyt tot Bru^egghe ind besien so woe dat ich myt yem leve, want ich to Coelne geen bescheit krygen en kan als van synen wyve. Want ich synen wyve bat, dat see my te onderpande sette als van synen renten ofte gu^elde dat my nyet geschien en konde ind my Arnolt selver to Brugghe to sachte, hee weu^elde my genouch to onderpande setten, hee hedde to Bu^enne, en tusschen Coelne und Bu^enne genouch, daw ich dat mynen an hebben solde des allet nyet geschiet en is noch oeck en geschu^eyt deste vele te schryven wer, ind wildy dis yeme nyet seggen, so snydet af ind gevet yeme, dat hee dat selver lese, want hee myn gelt gehad hevet, des was te Pynxsteren eyn jare. Got sy myt ju. Gescreven op sent Kathrynen dage.

Arnt Pasman bu^erger tot Weselle.

459. Herman Platenschleger an Hildebrand Veckinchusen in Brügge.

Rev. St.-A. Orig. Pap. Adr.: An den erbaren manne Hildebrant Veckynchu^esen to Bru^egghe detur haec littera.

Mynen denst und wes ik gu^edes vormach. Wetet leve sunderghe vrunt Hildebrant, dat ik ju^e vruntliken bidden late up allen denst, dat gy also

Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 455. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_455.jpg&oldid=- (Version vom 31.7.2018)