Seite:Briefwechsel Hildebrand Veckinchusen 447.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Mer ik meyne noch van den wynter by ju lu^eden to wesen unde berychten ju^e von den saken. Bet anders nicht. Mer blyvet gesunt in Gode. Gescreven des vrydages vor su^ente Jakops daghe to Revele.

By my Gosscalcus Linschede.

446. Hans Radelwisch, Reinhold Swarte und Gottschalk Lintschede (in Reval) an Hildebrand Veckinchusen und Hans Bokel in Brügge.

Rev. St.-A. Orig. Adr.: An Hilbrant Vokkinchusen unde an Hans Bokel to Brugge detur littera. In dorso von der Hand H. Veckinchusen’s: Hinrich van Staden hevet vorkoft dey tunne myt den schevenissen unde myt den anderen dingen, darvan wart elken dordelle 8 ℔ 6 sl. 1 gr. Item dey tunne myt den 3000, 19 tymmer 1 bote sconeswerkes, dey delde wy. Darvan nam Gosschalk Stenhus unde Bokel 1000 (unde) 1 quartyr. Item so nam Hinrych van Staden ok 1000 (unde) 1 quartyr. Item ic sulven nam ok 1000 (unde) 1 quartyr. Item 2 bote quam to unghelde. Darmede es dat slecht.

Vrentlike grote tovoren unde wat wy gudes vormoghen. Weten sol gy, dat wy ju to herveste senten van den vighen to Prusen wert 1 tunneken werkes. Dyr was ynne 1000 klesemes, 5000 schevenissen, 1000 troynissen, 1 qwarteyr lasten, 3 tymmer harwerkes, 11 tymmer lusches werkes. Van desser tunnen ene hebbe wy noch nyne tydinge, dat gy se untfangen hebben. Wat wy ju anders ghesant hebben hir to vorne, dat hebe wy wol vornomen dat gy et untfanghen hebben. Got hebbe lob unde eer. Wy hopen, dat gy de tunne ut Prusen ok wol untfangen hebben.

Item wy ju nu^e dat leste in Johan Witten van solte unde van vighen 1 tunne, dar is ynne 4000 schons werkes, dar enbreke ane 5 tymmer 3 boten. Doet wol unde nemet int beste. Wy ene hebbens nycht mer van dessen gude. Hedde wy dar bet by da^en kont, dar hedde wy gherne da^en. Ok is in desser tunne 4 stukke kanyfas van dessem merke , dat hort Hans Delsterhusen to. Wy ene weten ju anders nycht to scrivene up desse tyd, men blyvet ghesunt. Ghescreven by uns.

Hans Radelwisch, Reynolt Swarte, Gosschalk Linsthede.

447. Hans Radelwisch, Reinhold Swarte und Gottschalk Lintschede in Reval an Hildebrand Veckinchusen, Heinrich von Staden und Gottschalk Rolincwerd in Brügge.

Rev. St.-A. Orig. Adr.: An Hildebrant Vockinkhusen an Hinrik van Staden unde an Gosschalk Rolincwerde to Brugge sal desse breff.

Vruntlike grote tovoren unde wat wy gudes vormogen. Hildebrand, Hinrik unde Goschalk, wetet, dat wy juwen breff wol vornomen hebben by schipper Pilgerim van dem Wigere unde wy hebben entfangen ut sinem guden schepe 6 leste unde 7 tunnen vigen, gemerket myt enem wilden merke,

Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 447. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_447.jpg&oldid=- (Version vom 31.7.2018)