dar to gekomen. Anders nicht mer op desse tyt. Mer blyvet gesuent in Gode. Gescreven des mandages vor unser vrouewen dage der ersten to Revele.
443. Gottschalk Lintschede, Hans Radelwisch und Reinhold Swarte in Reval an Hildebrand Veckinchusen und Heinrich von Staden in Brügge.
- Rev. St.-A. Orig. Adr.: An Hildebrand Vockinchuzen unde an Hinrik van Staden to Brugge littera detur.
In Christo salutem. Wetet guden vrunde, dat wy hebben entffangen al dat doent unde dat gut, dar gy uns van gescreven hebben in juwen breven unde ok 3 leste, de in Prusen gesant wern, mer dat me dar vorkopen solde, dar en wete wy nicht van, we dat hevet edder wo et darumme is.
Item, so wetet dat Kule dat gut nicht wol geladen enhadde, he hadde (de) tunne unden in de boddeme gelecht, dat es van unden upp was wat nat geworden, wol by 9 tunnen aldar nat es, was mer nat geworden wer, dem ensall nicht schaden unde van dessem natwerdene, dat lecht he upp in lude unde secht, et sy ju schult. Mer wy hebben em gegeven 27 mark Riges upp ju behach; wille gy em meer geven, dat moge gy vorreden alzo van den 10 ℔ groten, de he noch hebben solde. He klaget sere, dat et sin schult nicht en sy. Gy hadden ene dat schipp doen reden to solte, dar he na beiden moste wol 3 weken als he secht. Item, wy hebben des gudes geschepet to Nouwerden, werdes tusschen 30 unde 40 leste to deme, dat Raven inne hadde, mer hir sin Russen gadinge, de en wilt dar nicht an, dat kumpt dar by to, dat er de schipper unde de schippkinder so vele hebben, de geven guden kopp. Wy willen des besten ramen na dat wy der sake vrot sin, hedde uns myt den ersten ner gekommen, so hedde wy wol gevaren, wy werns alrede qwit, wy willen nu den namarket holden, dat got sal reddelken mogen waren, dat is dat beste dat darane is, et solde hir wol ein jar lenk waren dan et solde doen in Vlanderen. Hir syn gude kolde keller, late gy et in den korven staen loes, do sal et drade vorderven. Jo et vaster licht unde bedumpet, jo et bet wart. We ju anders secht, de en wet dar nicht aff Lintschede wet et woll. Blivet gesunt in Gode. Mer wetet, dat desser breve 2 is, allens ludende, den enen hefft de schipper. Gescreven up den derden sundage na pinxten to Revele.
444. Gottschalk Lintschede, Hans Radelwisch, Reinhold Swarte aus Reval an Hildebrand Veckinchusen und Heinrich von Staden in Brügge.
- Rev. St.-A. Orig. Adr.: An Hildebrant Fockinchüen unde Hinrik van Staden to Brugge littera detur.
In dorso von Hildebrand Veckinchusen’s Hand: Hiran einbrak 1000 unde 1 bote luschwerkes. Item so brak hiran 1 tunne marten.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 445. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_445.jpg&oldid=- (Version vom 31.7.2018)
