Seite:Briefwechsel Hildebrand Veckinchusen 410.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

synt arm geworden myt alle. Leve Hildebrant hirmede bevele yc ju^e Gode und syner moder. Ghescreven in sunte Gregorius daghe.

Per me Herman Platenslegher.

Item so heft Evert Moyelken besettet van Bertrames wegen 50 marc Lub. van den 15 ℔ groten noch.

396. Heinrich Hoep an Hildebrand Veckinchusen in Brügge. – 1425 März 13.

Rev. St.-A. Orig. Pap. Adr.: An Hildebrant Vickinchu^ese op den steen littera detur. Darunter von H. V. Hand: 1425, 13 dage in merte.

Hildebrand Vickinchu^esen gude vrunt wetz, dat ik juwe breef wol vorstaen hebbe, so gy my ok to ander tyde gescreven hebben, so dat gy der sake gerne enen ende hadden van Everd van Meghen van den gelde, dat se utgeven solden, dez wetz, dat ik myt Everd gesproken hebbe und he secht, dat he der sake enen ende maken wil dat erste dat Gberd Lenserdyk daran wesen mach, want Gherd nu so vele to doende heft myt gaders, dat de her hir is, dat he dar nycht overwesen mach noch in dree ofte veer dagen, men woe id is, gy sult des in kort enen ende hebben. Hirmede syt Gode bevolen. Screven 13 in merte 1425.

Hinrik Hoep.

397. Herman Platenschleger an Hildebrand Veckinchusen in Brügge. – 1425 März 16.

Rev. St.-A. Orig. Adr.: An Hildebrant Veckynchusen to Brugge detur littera. In dorso von der Hand des Empfängers: 8 dage vor pinxsten 1425^[1].

Item Lunneborch 38 korfe to 2 mark;

Item untfangen 6 dossyn hosen vor 36 mark;

Item so gaf yk Evert Moyelke 3 dossyn hosen vor 18 mark vor syn part;

Item Soppolt 7 korfe vor 14 mark;

Item untfangen snoren vor 14 mark, desse snore gaf vk Evert Moyelke half ok;

Item tenetur Merten Kelre 8 korfe vor 14 mark;

Item Clawen van Gatinghe 3 korfe vor 6½ mark;

Item Clawes Kersten 3 korfe vor 4 mark;

Item Bernt Hake 8 korfe vor 15 mark;

Item Peter Schroder 1 korf vor 2 mark;

Item Hermen Scapkove 1 korf vor 2 mark;

Item de Bukkoldesche 2 mark vor 1 korf;

Item Johan van deme Damme 1 korf vor 24 sol.;

↑ 20. Mai 1425.

Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 410. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_410.jpg&oldid=- (Version vom 31.7.2018)

[1] 20. Mai 1425.

[1]