339. Hildebrand Veckinchusen an die Aelterleute des gemeinen Kaufmanns der deutschen Hanse in Brügge. – 1422 Octbr. 20.
- Rev. St.-A. Pap.; auf der Rückseite: dyt es ene kopye ens breyves, den ick an den kopman sante, also van der kennysse int jar 1422, 20 in ocktober. Datum per copiam den eersamen olderluden des ghemeynen coepmans van Almanyen der Duytschen henze to Brucge sal desse brief. In der Mitte ist das unter Nro. 334 abgedruckte Schreiben Lübecks an Brügge enthalten. Gedruckt Hansisches Urkundenbuch 6, N. 467.
Eersam heren ende vriendes ju ghelieve te wetene, so wo dat Gerwyn van Espen gisteren by my was in dem stene, alze dat he my sprac als van der kennessen, die gy my ghegeven hebben van dem ghebreke, die my daeran schelde. Daerup ick Gerwyn vorbenomed antworde aldus, so ick my versta in der kennesse, so en kende my die coepman gheen borghere toe Lubeke to wesen noch in des coepmans rechte, dat my groet wonder ende vremde hevet. Do vragede my Gerwyn vorbenomed, oft ick ock borgher to Lubeke were. Daer ic ock Gerwyn vorbenomed up antworde, dat ic wael bybrengen wolde myt der stat breve van Lubeke an die wet van Bruge, dar sy my borger in kennet ende oek in anderen brieven waerup ick u ene copie zende van eenem brieve van der stat van Lubeke, daer sy myn in mechtich willen wesen to verantworden toe eeren ende to rechte den welken brief dat myn neve Engelbrecht Vockinchusen antworde den olderluden, die vor u stonden kort na paesschen[1] als ic anders niet en weet. Daer ic noch niet van vernomen en hebbe na utwisinge des briefs als sick dat ghebort hedde na rechtes wegen. Item up den 25ten dach van september, do gaf ick over heer Alff van den Schide myn begherte in scrift an ju heren van der kennysse; daerna richtet ju und latet my des juwe gude antworde werden.
- Folgt das unter Nro. 334 mitgetheilte Schreiben Lübecks an Brügge.
Item ick beghere to weten ofte ghi der stat van Lubeke up eren brief antworde ghescreven hebn na eren begherte van mynen zaken alzo die brief uutwyset; darvan wolde ick gherne eene copie hebben na dat my die zaken angaen up dat ick daer nicht vorder up darf dencken noch mynen hern van Lubeke na dat ic nu nicht darvan vernomen hebbe na utwysinge des briefs. Onse lieve heer God die ghespar u in salicheiden in eeren ende in duechden. Ghegeven up den 20ten dach in october.
340. Sivert Veckinchusen in Lübeck an Hildebrand Veckinchusen in Brügge. – 1422 Novbr. 11.
- Rev. St.-A. Orig. Pap. Adr.: An Hildebrand Veckynchusen Bruegge littera detur. Von H. V. Hand darunter: 15 in desember.
- ↑ 1423, April 12.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 354. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_354.jpg&oldid=- (Version vom 31.7.2018)
