Minen dinst, wissent lieber oem Hildebrant, daz ich wael mach; daz ghelichen hor ich alletzit ghern van uch unde van allen mynen lieven vrenden tzo wissende. Item so wissent, daz es myr itzunder nycht vast wael gheit als van myns vaders weghen unde alse van des godes weghen, daz in Fryol ghenomen waerd. Und men stelt myr itzunder hirumme under binnen nach daz ich noch tzo lande eder tzo wasser sicher byn unde ich wolde ghern dem hertzoch 250 gulden ghegheven haven, daz er mynnen bryf wold haven wedergheven, daz wil er nycht doen unde er sprycht, er haeve wael 600 gulden of schaden ghegheven, de wil her also wael haven, als daz houbtgoed; unde er en wil myr nyndert ghein gheleit nycht gheven unde ich dedinghe noch alle daghe myd em daz ich ghern seghe of es slecht mocht werden umme ein klein ghelt, daz wolde ich ghern gheven of deme daz es ein ende mocht werden, God gheve, daz es ein goed ende werde. Item so doent also wael unde grossent myr alle myne front tzomael vurt unde saghent en, daz ich wael mach unde ich wil myd den ersten ghen Brugghe komen und wil alle dinck slecht machen unde ich bydde uch umme Godes willen, daz ir ghedencken daz myr myn bryef weder werde als van de 210 Ryns gulden, de ich dem Hans Raet van Nymmeghen gaef, der daz sydendouch tzo pande haet, de samyd unde de taffetta, daz ich van dem man unghehindert werde wan ich mych vast var den man besorghe unde ouch ghedencket, daz myr ouch etwas gheldez werde wan ich, of God wil, tzo uch komme. Anders nycht dan vorscryvet myr ghen Mensse tzo Hinrich tzome Ross, mynnen wird, daer so wird myr de bryf wael. Ghegheven tzo Auspurch of den 14 dach in den mey 1422.
327. Sivert Veckinchusen in Lübeck an seinen Bruder Hildebrand Veckinchusen in Brügge. – 1422 Mai 30.
- Rev. St-A. Orig. Pap. Adr.: An Hildebrant Veckinchuzen to Bruegge littera detur. Darunter von H. V. Hand: 1422, 14 in junejus.
Vruntlike grote vorscreven. Wetet, leve broder, dat wy juwe breve unde scryffte wol vornomen unde hebben de juwen vrunden laten lezen unde hebben hir van dem rade breve darop vorworven alzo wy best konden unde wy syn des alle gevrowet. God geve, dat yd to den besten komen mote; wy senden ju breve unde utscryfft by dessem boden.
Item, broder alzo gy my van Cornelys scryven, ik hebbe synt sunte Mychaele nue breff van em gehat unde wet ok nycht wor he ys, darumme kan ik van den panden nycht scryven. My ys let, dat he de pande nycht geloset en hevet unde ik en wet ok nycht, wo he syn dyng anslan wil unde zyn dyng behaget my nicht; God betert.
Item, her Hinric Rapelsulver wil syn geld hebben edder he wil ju hus vorvolgen unde wy krygen grote unvruntscap van em, dat uns al umme nycht vromen sal. Hirup weset vordacht. Grotet alle vrund. Gescreven in pynxste avende anno 22.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 346. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_346.jpg&oldid=- (Version vom 31.7.2018)
