ik de juewen broder Zyverde geven sulle van juewer wegen. Nue dessen hevet my grot wuender, dat gy dyt so vele schriven und gy weten wol, do ik jue latest de zeddelen overgaff, wo unse dynge stunt, do bleff ik jue schuldig 50 mark Lubisch und by 5 sl. off 6 und hirto so hebbe ik untfangen van Hermen Jackenstrycker 29 mark Lubisch 6 sl. 8 d, dyt were tohope 79 mark Lubisch 12 sl. 8 d. Hirtegen hebbe ik wedder utgegeven to juewer behof, so hir na geschreven steyt:
Item, int erste lende ik juewem wyve 49 mark Lubisch, de gaff se her Hinric Rapesulver.
Item, noch er gedan int hues entelen 15 mark Lubisch.
Item, so dede ik jue sulven 15 mark Lubisch, do gy nue latest hir weren, aldues were de summa in al, dat ik wedder utgegheven hedde to juewer behof 79 mark Lubisch, aldues bleve ik jue schuldig 12 sl. 8 d. Leve Hyldebrant, hir moge gy jue na rychten und schriven my nicht, dat ik dat gelt utgheve, dat ik rede utgegheven hebbe. Doch ik wet wol, wenn gy geweten hedden, wo et darumme gewest were, gy enhedent nicht geschreven, men wetet, dat et aldues darumme is, alze ik jue schrive; hirmede bevele ik jue dem almechtygen Gode, de mote jue juewen dingen alle enen gueden ende helpen, amen. Geschreven dez ersten donrdagez in der vasten anno 22.
321. Sivert Veckinchusen in Lübeck an Hildebrand Veckinchusen in Brügge. – 1422 März 12.
- Rev. St.-A. Orig. Adr.: An Hyldebrand Veckynchusen Bruegge littera detur. In dorso von der Hand des Empfängers: 10 daghe vor Palmen 1422[1].
Wetet, leyve broder, dat ic juwen breyf wol vornomen hebbe unde her Hynric Rapesylver noch her Jorden syn nicht to hues. Darumme kan ic nicht umme dey breyve an den kopman spreken, ic hadde tovoren met en sproken, men en noch andern vrunden duechte best, dat men beydede na eymen gantzen eynde woe unde in wat wyse gy vorrathlyken in den stein komen weren, op dat sey wat vastes unde wat draplykes scryven mochten. Unde wy hebben ju al dync by mynen veddern Engelbrecht muntlyken unboden unde al unse gudduncken unde dat hey al dync vorvaren sal to eynem vasten ende unde uns dat weder scryven. Darna wel ic met vrunde hulppe des besten ramen. Got beter al unse ghebrek unde helppe uns ut al unser noet des behove wy al umme wol. Ic hebbe nu groten schaden nomen unde ok es Hyldebrand Hoyeman ghevangen unde weten nicht, war hey ghevonet es. Got betert. Ghescreven op sunte Gregoriuos dach anno 22 jar. Ic en scref in ½ jare nicht so vele, also nu in 3 dagen.
Item, gy scryven my, ic sol 100 mark geven, men gy scryven my nicht van den 60 gulden, dey ic ju over eynen jare gaf unde 21 mark Lub. vor
- ↑ 27. März.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 95. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_341.jpg&oldid=- (Version vom 31.7.2018)
