Owe minſ hertzen wunden

Owe minſ hertzen wunden·
enbūden ſich hant·
Die mir wan verheilet·
ſuſt veilet· min lib in ir band·
dem tod in iamers rúwe·
min trúwe vergicht·
der vil ſeltenberen·
beweren· das mir we geſchicht·
von ſenelichē ſoꝛgen·
kein boꝛgen· ich han·
min truren iſt gemant·
ſuſt gepfant· iſt min wân·
den ich hette ze vꝛoͤden·
min goͤden iſt gar hin getan·

Ach wie ſol mir gelingen·
ir twingen mich tůt·
in ſenden ſoꝛgen alten·
v̾halten· hat ſi mir hohen můt·
ich leb in iamers quale·
ze male nach ir
dú mī nicht gedenket·
das krenket hertz vn̄ ſinne mir·
ir zarten ǒgen blikke·
vil^{[WS 1]} dikke mich hant·
an ſenliches ſoꝛgen·
v̾boꝛgen· gemant·
ſuſt hat dú vil gůte
an můte· mich ſenden gepfant·

Ich was in liebem wane·
dar ane· mich hat gtan ſeldenbere·
dú ſwere· mir niem̾ zergat·
ich wand ich ſolte neigen·
ſúr eigen mich ir·
dar vmb ich ſender warb·
daſ v̾darb ſund̾ wan· mir wol zwir
da von min vꝛoͤde ſinket·
vn̄ hinket· mī můt·
ſid ſi mir vꝛoͤden ſtúre·
ſo túre nu tůt·
wie ich in iamer bꝛin
vn̄ entzinn·
nach ir min̄· als ein glůt·

Anmerkungen (Wikisource)

1. Vorlage: vīl.