Minne iſt ſo wund̾lich

Minne iſt ſo wund̾lich·
ſi kert ſich·
an tumbe an wiſe·
alte iunge twingēt ſi·
ſon iſt ir zerich nieman·
noch zarn wan·
ſi ſlihet liſe·
ſwem ſi wil dē iſt ſi bi·
ſi lie mich ir helfe nie beuinden
vn̄ twinget mich ſere gegen ir·
vn̄ ſi nicht gegen mir·
minne dir
mag ich wol flůchen tiefe
vs mines h̾zē gir

Minne ſuͤne dich mit mir·
ker zů zir·
ald ich wil ſtrafen dich·
die wile ich leben mag·
vn̄ liebe noch ir mich·
ald vf dich·
ſo ſchrye ich wafen
mange nacht vn̄ māgen tag·
owē mīne kum ir noch zeherzen·
mir zeheile ſon flůche ich dir nicht me·
in weis and̾s wies erge·
mir iſt we·
vō ſendem ſmerzen·
minne noch min not v̾ſte·

IAn wiſſe ich es nicht ir·
das ſi mir·
iſt ſo gar h̾te
ich wîſſe es der mīne gar·
wan ſi lat ir lib ſo fri·
vn̄ doch ſi
wol ſi gelerte·
das ſi min noch neme war·
owe ſit ſi nicht enhat der mīne·
wauon ſolte ſi dan růchen min·
mīne wirde mir noch fin·
kere hin
vn̄ twinge ir ſinne·
ſo wil ich din frúnt noch ſin·