Meie dîn zit (Mit originalen Lettern)

Meie dîn zit·
māiger leige wūne vnſ git·
vf berge in tal in ǒwē·
die der leide wint̾ twang·
dú heide lit·
wol gezieret ſvnder ſtrit·
in gruͤne mag mā ſchǒwē·
blv̊mē bla bꝛvn rot gel blank
gar zergangē iſt deſ wīters grīme^{[WS 1]}·
dú nahtegal·
ſchellet ab̾ ſvͤzen ſchal·
ī froͤide gebēd̾ ſtime·
dú noh nie ſo ſv̊ze erhal·

Seht an dē walt·
wie gelǒb wie wol geſtalt·
luft waſſer erde ervꝛiſchet·
fúr in ſvnnē hoh geſchaft·
wie māigvalt·
blv̊t vn̄ blůmē vngezalt^{[WS 2]}·
mit varwe ī varwe miſchet·
des vil liebē ſvm̾s kraft·
iſt iht vꝛoͤide me bi diſē wūnē·
ia megde wib·
zieret iarlank wol ir lib·
ſo ſi dāne beſte kv̄nen·
froͤide trurē da v̾trib^{[WS 3]}·

Wib rein̾ nam·
mīne^{[WS 4]} zuht kúſche vn̄ ſcham·
ſo wirdeſt dv gebluͤmet·
bas dāne ſwc d̾ meie ie bot·
ma tv̊nt alſam
holt ſint erē ſchandē gram·
ſo w̾det ir ǒch geruͤmet
vúr geſteine ī golde rot·
mālich mā vn̄ wiblich wib geſellet·
iſt beſſer iht
vf d̾ erdē ſpꝛechēt niht·
iſt ir mv̊t ſo geſtellet·
dc ſi hāt zetvgeden pfliht·

Anmerkungen (Wikisource)

1. Vorlage: grīmē.
2. Vorlage: vn̄ gezalt.
3. Vorlage: v̾tribt.
4. Vorlage: mīnet.