Lieb mich hat v minne (Mit aufgelösten Abbreviaturen)

Lieb mich hat v minne·
so frúndelic bevan·
dat ic ǒch mit sinne·
mv̊s wesen vndertan·

Ic sac noit so rôden mvnt·
noch ǒch so minlich ǒgen·
als si hat di mic hat gêwunt·
al in dat herze dǒgen·
dog leve ic in hǒgen·
vnd hoffe es lon entfan·
geft si mir quale dǒgen·
si mag mis better san·
Lieb mich hat v minne·
so frúndelic bevan·
dat ic ǒch mit sinne·
mv̊s wesen vndertan·

Mic es wol als ic mac sin·
bi minre sconen frǒwen·
vnd ic danne ir clarn scin·
end er gelat mac scǒwen·
got verre si van rǒwen·
si est so wal gedan·
dat ic er bet trǒwen·
mv̊s zallen diensten stan·
Lieb mich hat v minne·
so frúndelic bevan·
dat ic ǒch mit sinne·
mv̊s wesen vndertan·

Reines^{[WS 1]} wibes gv̊te·
sint fúr truren gv̊t·
si gent hoh gemv̊te·
dc gar sanfte tůt·
swenne si wellent lachen
vs blvͤnden mv́ndelin rot·
truren si kvnnen verswachen
vnd vertriben not·

Anmerkungen (Wikisource)

1. Vorlage: Eeineſ.