Kv́nzeli bring mir minen sang

Kv́nzeli bring mir minen sang·
der minneklichen frowe·
nach der min sendes herze ie rang·
dc hat si mir verhowen·
ahi solt ich die schonen noch nach minem willen schowen·
bring ir den brief vnd sing ir vf gedoͤne·
dú maht vil gerne lǒfen dar du gesehe nie wib so schoͤne·

WAn sendent ir dc heinzlin dar·
dc singet also sv̊ze·
es kan dú selben lieder gar·
vnd hat ǒch wol die mv̊sse·
welle ers niht tv̊n so volgent mir vnd vallent im zefůsse·
dc heinzelin sprach zem kvͤnzlin do von zorne·
ga dv da hin mich mvrte lihte ein man in sinem korne·

Kvͤnzlin wilt dv mich nv lan·
so wilt dv mich vertriben·
dv solt in div korn gan·
vnd solt des roggen riben·
da gat ein svͤze zit har zv̊ dv maht vil wol beliben·
dar zv̊ isse dv der apfel vnd der kriechen·
des mag ein kneht vil wol genesen des solt dv zv̊ dir liechen·