Kalte winde (Mit originalen Lettern)

Kalte winde·
gar geſwinde·
ſelwēt heide·
groſſer leidē·
kvmt vns me·
wint̾ nahet·
vn̄ gahet·
vf vns balde·
voꝛ dem walde·
doꝛret kle·
da vō ſwiget manig nahtegal·
ciſel ſchꝛîget·
vngefrîget·
iſt ſin ſw̾e·
we der mêre·
linde iſt val·

Sw̾e bv̊ſſe·
ſtarke vnmv̊ſſe·
mv̊s ich duldē·
nah ir hvldē·
d̾ ich^{[WS 1]} bin·
ſvnd̾ lachen·
mv̊s ich wachē·
nahtes ſoꝛgē·
trurē moꝛgen·
âne ſin·
ſit dc mir ir mūt ein lachē bot·
dc erluhte·
des mich duhte·
ſam div ſvnne
gen mir bꝛūne·
rubin rot·

Ich gedâhte·
do mir bꝛâhte·
froͤide ir lachē·
dc mir ſwachē·
ſolde leit·
an d̾ ſvͤſſen·
ǒgen gruͤſſē·
ſach ich dike·
in dē blike·
ſich v̾ſneit·
an ir ǒgē da min beſt̾ ſin·
wā ich bꝛīne
nach ir mīne·
dú mich ſchúhet
vn̄ noch flúhet
ſwa ich bin·

Swen dú mīne·
ſiner ſīne·
gar berǒbet
der gelǒbet
deſter baſ·
dc mir ſwêre·
ſv́fteb̾e·
lit in h̾zen·
mīne ſm̾zen
fuͤgēt das·
wan ich die vil gv̊tē midē mv̊ſ·
ſol ich lidē·
ſi v̾midē·
lebe ich iem̾·
mir wirt niemer
ſoꝛgen bůs·

Frowe reine·
wādels eine·
ſvͤſſe wende·
min ellende·
lieber lip·
la mī w̾ben·
niht v̾derben·
eteſwēne·
trúwe erkēne·
ſelig wib·
h̾zen trut dv la genieſſē mich·
dc div ǒgen·
ſvnder lǒgen·
iemer wolden·
dc ſi ſoldē
ſehen dich·

Anmerkungen (Wikisource)

1. Vorlage: in.