In dem tal (Mit originalen Lettern)

IN dem tal·
hebt ſich aber der vogelin ſchal·
ſi wellent alle gruͤſſen nv den meien·
die wol gemv̊ten leien·
dē wil ich helfen reien·

Ein meit·
ſpꝛach zir mv̊t̾ mir iſt geſeit·
húre alrerſt vō des knappē ſingen·
ob ich in hulfe ſpꝛingē·
mir mvͤſte wol gelingen·

Liebeſ kint·
trieger allenthalbē ſint·
liebú tohter volge miner lere·
da vō mag wol din ere·
ſich hoͤhen iemer mere·

Si bot·
manigen eit dc tet ir not·
ob er mich deſ libes ie gebete·
ſo ſi vil lange vnſtete
die velte an miner wete·

ICh han
zv̊ dem māne deheinē wan·
ſp̋ch ſi dú rede geviel der wiſen·
ſi hies ſich ſchone pꝛiſen·
vn̄ hv̊b ſich vō der griſē·

Si ſpꝛanc·
mer danne eins klafters lanc·
vn̄ noh hoher dāne ie magt geſpꝛunge·
dú mīneklichú ivnge·
bat das man ir ſvnge·