Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[62r]
Ich wil wúnschen der vil gv̊ten·
dc si lange mvͤsse leben·
des wil ich ze gotte mv̊ten·
so hat er mir wol gegeben·
si ist mins herzen ostertag·
ane die vil minnenklichen·
nieman mich getroͤsten mag·
Schone wert gar minnenklich·
so ist dú liebe frǒwe min·
si ist so gar dir eren rich·
dc si selig mvͤsse sin·
vnd ist ganzer tvgenden vol·
nieman kan sich ir gelichen
der ich iemer dienen sol·
Wenne sol der tag erschinen·
dc ich die vil lieben sehe·
wunnenklichen vnder minnen·
armen vnd dc si veriehe·
dc si mir genedig si·
fro minne ir sult sis twingen
sînt ir stetekliche bi·
